“NERIUNNEQ ... ANERSAAKKUT ITTUT PINGAARNERPAARTAASA ILAGAAT. Taman­nalu ikior­tis­saqan­ngitsutut asaneqan­ngitsutul­lu misiginerup an­nilaanganerul­lu qaanger­nis­saan­nut iluaqutaaner­paavoq.” – Atuagaq Hope in the Age of Anxiety.

Neriuuteqar­neq pisariaqar­tik­kip­put Biibilimi erser­poq, aam­mali ima mianersoq­qus­suteqar­poq: “Tatigeqinasigit naalagar­tat, inuit an­naas­sisin­naan­ngitsut.” (Tus­siaat 146:3) Inuit an­naas­sin­naagaatigut tatiginagu Pin­ngor­titsiser­put, neriorsuutiminik eq­qor­titsinis­saminut pis­saaneqar­toq, tatigigutsigu silatusaas­saagut. Ima neriorsor­neqar­pugut:

AJUSSUSEERUTISSAAQ; EQQISSINEQ ATAAVARTOQ NAAPERTUILLUARTUT MISIGISSAVAAT: Tus­siaat 37:10, 11-mi ima al­las­simavoq: “Iluan­ngitsoq er­niin­naq peerut­tus­saavoq ... Kisian­ni qanilaar­tut nuna kingor­nutis­savaat pil­luangaar­ner­til­lu nuan­naarutigis­sal­lugu.” Versi 29-mi nangil­luni al­las­simavoq naaper­tuil­luar­tut nunarsuarmi ‘naas­saan­ngitsumik najugaqas­sasut’.

SORSUTTOQARUNNAASSAAQ: “[Guutip] nunarsuarmi tamarmi sorsun­nerit soraarsik­kumaar­pai, pisis­sit nal­lorumaar­pai qalugiusal­lu aseror­terlugit, qamus­suit sorsuutit ikik­karumaar­pai.” – Tus­siaat 46:9, 10.

NAPPAATIT, NAALLIUUTIT TOQULU ATUUKKUNNAASSAPPUT: “Guuti ineqarfeqaler­poq inun­ni ... Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq.” – Saq­qum­mersitat 21:3, 4.

NERISASSAT NAAMMASSAPPUT: “Karrit naam­mangaar­tut nunami naasimas­sap­put, qaq­qat qaan­ni aalataarumaar­put.” – Tus­siaat 72:16, Testamentitoqaq 1990-imi naqitigaq.

NAAPERTUILLUARTUNIK NAALAKKERSUISOQASSAAQ – KRISTUSIP NAALAGAAFFIA: “[Jiisusi Kristusi] pis­saanermik naalan­naam­mil­lu naalagaas­sutsimil­lu tunineqar­poq; inuiaat, naggueqatigiit im­mik­kul­lu oqaasil­lit tamarmik kif­far­torfigis­savaat. Pis­saanera soraajuip­poq, naalagaaf­fialu atat­tuin­nas­saaq.” – Danieli 7:14.

Neriorsuutit tamak­ku piviusun­ngus­sasut qanoq nalun­ngis­sin­naavar­put? Jiisusip nunamiik­kami kun­ngis­satut piuk­kun­nar­nini up­per­narsar­paa. Nap­parsimasut ajorun­naarsip­pai, piitsut nerisip­pai toqusunil­lu makititsil­luni. Ilin­niar­titsis­sutaali pingaar­nerup­put, taak­kumi najoq­qutas­siaap­put inuit ataasioqatigiil­lutik inooqatigiin­nis­saan­nik kinguneqar­tus­sat. Jiisusip aam­ma siunis­sami pisus­sat siulit­tuutigai.

Jiisusip siulit­tuutigaa silarsuup matuma ul­lus­sai kingul­liit eq­qis­sinermik isuman­naan­nermil­lu ilisar­naateqaratik, erloqinar­tunik ilisar­naateqas­sasut! Oqar­poq ‘silarsuup naggatis­saata’ ilisar­naatigis­sagai sorsuun­nersuit, nerisas­saaleqineq, nap­paas­suit nunal­lu sajorujus­suar­neri. (Mat­thæusi 24:3, 7; Lukasi 21:10, 11; Saq­qum­mersitat 6:3-8) Aam­ma ima oqar­poq: “Inatsisaatsulior­nerlu ingasatsik­kiar­tus­sam­mat asan­nin­neq amerlaner­ni nil­ler­tun­ngorumaar­poq.” – Mat­thæusi 24:12.

Nil­ler­tun­ngor­neq taman­na as­sigiin­ngitsutigut erser­poq. Biibilimik al­lat­tup al­lap sukumiisumik siulit­tuutigaa “ul­lus­sani kingul­ler­ni” inuit nam­minis­sarsior­tuul­lutil­lu aningaasanik aliik­kutanil­lu sal­liutitsis­sasut. Makitasuujus­sap­put kamajasuujus­sal­lutil­lu. Ilaqutariit asan­niuitsuus­sap­put meeq­qal­lu angajoq­qaamin­nut naalan­ngitsuus­sal­lutik. Up­perisarsior­nik­kul­lu ilumoor­tuusaar­neq nalingin­naas­saaq. – 2 Timotheusi 3:1-5.

Erloqinartut tamakku ersersitsipput silarsuup ulluini kingullerni inuusugut. Aam­ma ersersip­paat Guutip naalagaaf­fiata eq­qis­sisitsinis­saa qanil­lisoq. Aap, Jiisusip ul­lus­sat kingul­liit pil­lugit siulit­tuutimini ima neriorsor­paatigut: ‘Naalagaaf­fim­mik iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.’ – Mat­thæusi 24:14.

Jiisusip neriorsuutaa taman­na eq­qun­ngitsulior­tunut mianersoq­qus­sutaavoq eq­qor­tulior­tunul­lu neriuutis­siil­luni. Neriuuteqar­tul­lu qularun­naarsin­neqar­put siunis­sami pil­luaq­qus­sutis­sat qanit­tuk­kut piviusun­ngorumaar­tut. Paasisaqar­nerorusuk­kuit al­laaserisap matuma tul­lia takuuk.