Imarisai

Imarisai

 INOORIAASEQ PILLUARNARTOQ

Asanninneq

Asanninneq

INUIT ASANNINNEQ PISARIAQARTIPPAAT. Asan­nin­neqan­ngip­pat aap­pariit, ilaqutariit ikin­ngutigiil­luun­niit ingerlal­luarsin­naan­ngil­lat. Taamaat­tumik asan­nin­neq isumak­kut peq­qis­suunermut pil­luar­nermul­lu pingaaruteqarluin­nar­poq.

Asan­nin­neq uani pineqar­toq aap­pariit kajungeqatigiin­nerat, pingaaruteqaraluar­toq, pineqan­ngilaq. Pineqar­porli inuup im­minut tunul­liul­luni inoqatini ingerlal­luaq­qul­lugu ilumoorluni isumas­suerusulis­sutigisaa. Asan­nin­neq pingaaruteqar­nerusoq taamaat­toq najoq­qutas­sianik Biibilimiit­tunik aal­laaveqarlunilu misigis­suseqarfiungaar­poq.

Ima nuan­nersumik al­laatigineqar­poq: ‘Asan­nin­neq kamagit­tar­tuuvoq, saamasuuvoq, sin­ngasarin­ngilaq; pingaakujut­tar­nanilu perroor­tarin­ngilaq. Kan­ngunar­tulior­tarin­ngilaq, nam­minis­sarsior­tarin­ngilaq; puf­fas­sar­tarin­ngilaq put­tarsisaqar­tar­nanilu. Iluaan­neq nuan­narisarinagu sal­lusuis­sut tipaatsuutigisar­paa. Tamatigut naam­magit­tar­tuuvoq, tamatigut neriut­tar­poq, tamatigut ilalaar­tar­poq. Asan­nin­neq soraan­ngisaan­nas­saaq.’ – 1 Korinthimiut 13:4-8.

Asan­nin­neq taamaat­toq “soraan­ngisaan­nas­saaq”, ima paasil­lugu asan­nin­neqar­tuaan­nas­saaq. Pif­fis­sal­lu ingerlanerani kimit­tusisin­naasar­poq. Kamagit­tar­tuugami, saamasuugami isumak­keerfigin­nit­taramilu tas­saavoq “naam­mal­luin­nas­sutsip qilerutaa”. (Kolos­semiut 3:14) At­tavigiin­neq asan­nin­nermik ‘qileruteqarami’ inuit naam­mal­luin­nan­ngitsuugaluar­tut toq­qis­sisimanarlunilu pil­luar­nar­poq. Aap­pariit at­tavigiin­nerat as­sersuutigeriar­tigu.

 “NAAMMALLUINNASSUTSIP QILERUTAA” ATAASIOQATIGIISSUTAASOQ

Jiisusip Kristusip aap­pariin­nermi najoq­qutas­siat pingaarutil­lit ilin­niar­titsis­sutigai. As­sersuutigalugu ima oqar­poq: “‘Angutip ataatani anaananilu qimas­savai nulianilu at­tavigalugu, taak­kulu marluk uinin­ngus­sap­put ataaseq’ ... Guutim­mi ataqatigiilersitai inuup avis­saar­tis­san­ngilai.” (Mat­thæusi 19:5, 6) Najoqqutassiat pingaarutillit marluk maluginiarnarput.

‘TAAKKU MARLUK UININNGUSSAPPUT ATAASEQ.’ Aap­pariin­neq tas­saavoq inuit qanitariin­ner­paamik at­tavigiis­sin­naanerat, asan­nin­nerlu ilumoorfigin­nit­tuar­nis­samut iluaqutaavoq. Al­lasior­neq tatigin­nik­kun­naas­sutaasar­poq avin­nermil­lu kinguneqar­tarluni. Uiusormi nuliaasorluun­niit al­lasioruni al­lasiorfigisanilu tas­saalis­sap­put ‘timi ataaseq’. (1 Korinthimiut 6:16; Hebræerit 13:4) Aap­pariit meerai misigis­sutsik­kut ajoquser­neqas­sap­put, asaneqan­ngitsutut misigilersil­lugit toq­qis­sisimajun­naar­til­lugit al­laal­luun­niit kamalersil­lugit.

“GUUTIP ATAQATIGIILERSITAI.” Aap­pariin­neq at­tavigiin­neruvoq il­ler­nar­toq. Aap­pariit tamatumin­nga pingaar­titsisut aap­pariin­ner­tik nukit­tutin­niarlugu ilungersor­tar­put. Ajor­nar­torsiuteqaleraangat avis­sutis­sarsior­neq ajor­put. ‘Tamatigut naam­magit­tar­tumik’ asaqatigiik­kamik eq­qis­sisimal­lutik aap­pariil­luar­tuarumal­lutik ajor­nar­torsiutit aaq­qin­niarlugit iliuuseqar­tar­put.

Angajoq­qaat im­minut pil­liutigeriaan­naal­lutik asaqatigiik­kaangata meerar­taan­nut iluaqutaangaar­tar­poq. Jes­sica inuusut­toq ima oqar­poq: “Ataataga anaanagalu asaqatigiil­luin­nar­put ataq­qeqatigiil­lutil­lu. Anaanama ataataga ataq­qigaa takugaangak­ku anaanaga as­sigerusuler­tar­para.”

Asan­nin­neq tas­saavoq Guutip pis­susia pingaar­ner­paaq. Aap, Biibilimi ima al­las­simavoq: ‘Guuti tas­saavoq asan­nin­neq.’ (1 Johan­nesi 4:8) Taamaat­tumik Jehova ‘Guutitut pil­luar­tutut’ taaneqarmat tupaal­lan­nan­ngilaq. (1 Timotheusi 1:11) Aam­ma uagut pil­luarsin­naavugut Pin­ngor­titsisit­ta pis­susii ilaar­niarutsigit – ingam­mik asan­nin­nera. Efesosimiut 5:1, 2-mi al­las­simavoq: “Guuti maligas­sarisiuk taas­sumun­nga qitor­naasutut asasaasutut, inuugitsilu asaqatigiil­lusi.”