6-پايعامبارلىق. دۇنيەجۇزىلىك ۋاعىزداۋ ٸسى
6-پايعامبارلىق. دۇنيەجۇزىلىك ۋاعىزداۋ ٸسى
«پاتشالىق جايلى وسى ىزگى حابار... بۇكىل جەر بەتىندە ۋاعىزدالادى» (ماتاي 24:14).
● بياتەيا تىنىق مۇحيتىنىڭ تۋاموتۋ ارحيپەلاگىنا قاراستى شالعاي ورنالاسقان ارالدا تۇرادى. تۋاموتۋ ارحيپەلاگىنداعى 80 گە جۋىق ارال 802900 شارشى كيلومەتردەن استام جەردى الىپ جاتقانىمەن، ونداعى تۇرعىنداردىڭ سانى 16000 نان اسپايدى. سويتكەنمەن دە ەحوبا كۋاگەرلەرى بياتەيا مەن ونىڭ كورشىلەرىنە دە بارىپ جولىققان. نەگە؟ ويتكەنى كۋاگەرلەر قۇداي پاتشالىعى تۋرالى ىزگى حاباردى بارلىق ادامدارعا، الىس-جاقىن تۇرعانىنا قاراماستان جەتكىزگىسى كەلەدى.
دەرەكتەر نەنى كورسەتەدى؟ پاتشالىق تۋرالى حابار دۇنيەنىڭ ٴتورت بۇرىشىنا جەتۋدە. 2010-جىلدىڭ وزىندە ەحوبا كۋاگەرلەرى 236 ەلدە ىزگى حابار ۋاعىزداۋعا 6،1 ميلليارد ساعات جۇمسادى. بۇل ٵر كۋاگەر كۇنىنە ورتا ەسەپپەن 30 مينۋت ۋاعىزدادى دەگەندى بىلدىرەدى. سوڭعى ون جىل ىشىندە ولار كيەلى كىتاپقا نەگىزدەلگەن ادەبيەتتەردىڭ 20 ميللياردتان استام داناسىن شىعارىپ، كوپشىلىككە ۇلەستىردى.
ٴجيى ايتىلاتىن قارسى پىكىر: كيەلى كىتاپ حابارى مىڭداعان جىلدار بويى ۋاعىزدالىپ كەلەدى عوي!
مۇنداي پىكىر دۇرىس پا؟ راسىندا دا، كيەلى كىتاپ حابارىن ۋاعىزداۋعا تىرىسقان ادامدار از بولماعان. الايدا كوبىنەسە ولاردىڭ بۇل ٸسى ۇزاققا سوزىلماعان، ٵرى از عانا اۋماقتى قامتىعان. ەحوبا كۋاگەرلەرى بولسا، دۇنيەجۇزى بويىنشا ۇيىمداسقان تۇردە ۋاعىزداۋدا جانە سونىڭ ناتيجەسىندە ىزگى حاباردى جۇزدەگەن ميلليون ادام ەستۋدە. كۋاگەرلەر ادامزات تاريحىنداعى ەڭ ىقپالدى جانە قاتىگەز ۇيىمداردىڭ قاتتى قارسىلىعىنا قاراماستان ىستەرىن دوعارماعان a (مارقا 13:13). سونداي-اق ەحوبا كۋاگەرلەرىنە ۋاعىزداعاندارى ٷشىن اقى تولەنبەيدى. دەسە دە ولار ىزگى حاباردى جاريالاۋ ٷشىن التىن ۋاقىتتارىن ايامايدى جانە ادەبيەتتەرىن دە تەگىن ۇلەستىرەدى. ولاردىڭ ٸسى تولىقتاي ەرىكتى ساداقانىڭ ەسەبىنەن اتقارىلادى.
ٴسىز قالاي ويلايسىز؟ «پاتشالىق جايلى ىزگى حابار» دۇنيەجۇزى بويىنشا ۋاعىزدالىپ جاتىر ما؟ بۇل پايعامبارلىقتىڭ ورىندالىپ جاتقانى جاقىن بولاشاقتا قوي ۇستىنە بوزتورعاي جۇمىرتقالايتىن زامان ورنايتىنىن ٴبىلدىرۋى مۇمكىن بە؟
[سىلتەمە]
a كوبىرەك مالىمەت العىڭىز كەلسە، «سىناق كەزىندە ادالدىعىن ساقتاعاندار» (حانزۇشا)، «كۇلگىن ٷشبۇرىشتار» (حانزۇشا)، «ەحوبا كۋاگەرلەرىنىڭ ناسيزم الدىنداعى باتىلدىعى» (حانزۇشا) دەپ اتالاتىن ەحوبا كۋاگەرلەرى شىعارعان دەرەكتى فيلمدەردى كورىڭىز.
[9-بەتتەگى سوزدەر]
«ٴبىز ەحوبا قۇداي مۇمكىندىك بەرىپ وتىرعان كەزدە كەز كەلگەن مۇمكىندىكتى پايدالانىپ، پاتشالىق تۋرالى ىزگى حاباردى قۇلشىنىسپەن ۋاعىزداۋدى توقتاتپايمىز». (2010-جىلعى «ەحوبا كۋاگەرلەرىنىڭ جىلناماسى)»