كەيبىرەۋلەر قۇدايدىڭ ٴ‌سوزى ۋاقىت سىنىنان وتە الماي،‏ وزگەرىسكە ۇشىرادى ما ەكەن دەپ ويلايدى.‏ يشايا دەگەن پايعامبار اللانىڭ ٴ‌سوزى «ماڭگى قالادى» دەپ جازىپ كەتكەن (‏يشايا 40:‏8‏)‏.‏ اللانىڭ ٴ‌سوزى قاز-‏قالپىندا،‏ ەش وزگەرىسسىز قالعانىنا قانداي دالەلدەر بار؟‏

اللانىڭ ٶز ٴ‌سوزىن بۇرمالاتپاي،‏ قاز-‏قالپىندا ساقتاپ قالۋعا قۇدىرەتى جەتەدى.‏ مىسالى،‏ ەجەلدە قۇدايدىڭ حابارى جوعالىپ كەتپەس ٷشىن،‏ ونى كوشىرىپ وتىراتىن ارنايى ەر ادامدار بولعان.‏ ولار قاسيەتتى ماتىنگە ەش نارسە قوسىلىپ،‏ الىنىپ،‏ وزگەرىپ كەتپەس ٷشىن،‏ قاسيەتتى جازبالاردىڭ ٵربىر ٵرپىن ساناپ وتىرىپ كوشىرگەن.‏ ٴ‌بىراق كەيبىرەۋلەرى پەندەشىلىكپەن بولماشى قاتەلەر جىبەرگەن،‏ الايدا ولار قاسيەتتى ٴ‌ماتىننىڭ ماعىناسىنا ەش اسەر ەتپەگەن.‏

كيەلى جازبالاردىڭ كونە قولجازبالارىنىڭ بىرنەشە مىڭ كوشىرمەسى بار.‏ سول كوشىرمەلەردىڭ بىرەۋى ٴ‌سال-‏ٴ‌پال ٴ‌مۇلت كەتكەن كۇننىڭ وزىندە ونى باسقا كوشىرمەلەرمەن سالىستىرىپ،‏ قاتە جەرىن تەز انىقتاۋعا بولادى.‏ تولىعىراق ٴ‌بىلۋ ٷشىن jw.org تور بەكەتىندەگى «‏كيەلى كىتاپ وزگەرتىلىپ،‏ بۇرمالانعان با؟‏‏» دەگەن ماقالانى قاراڭىز.‏

مىسال ٷشىن،‏ «ٶلى تەڭىز شيىرشىقتارى» دەپ اتالاتىن ەجەلگى قۇجاتتاردى الايىق.‏ ونى 1947-‏جىلى ٶلى تەڭىزدىڭ ماڭىنداعى ۇڭگىرلەردەن كوشپەندى ارابتار تاپقان.‏ ەكى مىڭنان كوپ جىل بولعان بۇل كونە قۇجاتتا كيەلى جازبالاردىڭ ۇزىندىلەرى بار.‏ ساراپشىلار وسى كونە قولجازبالاردى بۇگىندە قولىمىزدا بار كيەلى جازبالارمەن سالىستىردى.‏ سوندا ولار نە بايقادى؟‏

عالىمدار قۇداي ٴ‌سوزىنىڭ قازىرگى نۇسقاسى مەن ونىڭ ٴ‌تول نۇسقاسىن سالىستىرا كەلە،‏ ٴ‌ماتىننىڭ اينا قاتەسىز ساقتالعانىن انىقتادى *‏.‏ كونە قولجازبالاردى زەرتتەپ-‏زەردەلەگەنىمىز قولىمىزداعى كيەلى جازبالاردىڭ قۇدايدىڭ ٴ‌تول ٴ‌سوزى ەكەنىنە كوزىمىزدى جەتكىزەدى.‏

حاق تاعالا قاسيەتتى جازبالاردىڭ قۇنىن ەش تۇسىرمەي،‏ ٴ‌بىزدىڭ كۇنىمىزگە دەيىن قاز-‏قالپىن بۇزعىزباي ساقتاپ كەلدى.‏ سوندىقتان بىزدەر بۇگىن اللانىڭ ٴ‌سوزىنىڭ تۋرالىعىنا ەش كۇماندانباي،‏ كامىل سەنىممەن وقي الامىز.‏ ال ەندى پايعامبارلار اللا تاعالا تۋراسىندا نە اشقانىنا كوڭىل بۇرايىق.‏