Content de lai

Malawm Ni Hpe Lai U

 Hkristan Prat Hkrun Lam

JW.ORG Card Ni Hpe Atsawm Jailang Nga Ai Kun?

JW.ORG Card Ni Hpe Atsawm Jailang Nga Ai Kun?

Ru tsang kaba grai ni wa sai majaw, hkaw tsun bungli gaw grai ahkyak nga ai. (Ga Sha. 24:11, 12, 20) Chyum Laika hte anhte a website hpe masha ni dingtawk shang yu lu na matu, jw. org Card ni hpe jailang nna karum ya mai ai. Card hta Chyum Laika Hpe Hpa Majaw Hkaja Ra Ai Kun? video hpe matsun ya ai Code langai lawm ai. Kahtap nna hkaja u (sh) Chyum Laika hpe grau chye na hkra hkaja mayu ai kun? ngu ai lam ni mung lawm ai. Masha nkau mi gaw laili laika ni hpe n hkap la tim, website hpe gaw shang yu mayu ma ai. Dai majaw, Card ni jaw na matu hkum lahpawt. Raitim, Card ni hpe masha n nga ai nta hta tawn da ai (sh) myit n lawm ai ni hpe jaw da ai ni n mai galaw ai.

Shani shagu galaw hkawm sa ai lam hta myit lawm ai masha langai ngai hte hkrum yang, ndai hku tsun mai ai: “Manang wa hpe ndai Card langai jaw mayu ai. Ndai hta website langai hpe shachyen ya ai. Ndai website hta manu jahpu n jaw ra ai sha lam amyu myu hpe yu mai ai zawn, video ni mung yu mai ai.” (Yaw. 4:7) JW.ORG card gaw kaji ai majaw, ahkaw ahkang lu shagu masha ni hpe sakse hkam lu na matu, ndai card hpe loi mi sha raitim bang hkawm mai ai.