Content de lai

Malawm Ni Hpe Lai U

 Karai A Mungga Kaw Na Sut Gan Ni | Ga Shagawp 1-6

“Na A Myit Masin Mahkra Hte Yehowa Hpe Kam Hpa Nga U”

“Na A Myit Masin Mahkra Hte Yehowa Hpe Kam Hpa Nga U”

Yehowa gaw anhte a myit masin mahkra hte kam hpa ai hpe lu ging ai Madu re. Shi amying a lachyum nan, shi ga sadi jaw da ai lam yawng hpring tsup wa hkra, galaw lu ai atsam nga ai hpe madun ai majaw anhte tsep kawp kam mai ai. Madu hpe kam hpa ai myit nga wa hkra, bau maka ai hta akyu hpyi ai lam gaw ahkyak htum re. Yehowa gaw anhte a “lam shading” ya nna, shi a ntsa anhte a kam hpa ai lam hpe shaman chyeju teng sha jaw na nga nna, Ga Shagawp daw kaba 3 hta tsun da ai.

Tinang hkum tinang hpaji rawng ai ngu sawn la ai wa . . .

3:5-7

  • Yehowa kaw na lam matsun hpe shawng n hpyi ai sha, tinang hkrai dawdan

  • tinang a myit sumru ai lam (sh) mungkan a sawn sumru ai lam hpe kam hpa

Yehowa hpe kam hpa ai wa . . .

  • Chyum Laika hti ai, sawn sumru ai hte akyu hpyi ai hku nna Yehowa hte hku hkau lam grau kaja wa hkra galaw

  • dawdan lam ni jahkrat ra ai shaloi, Chyum Laika npawt tara ni hpe tam sawk nna Yehowa a lam matsun hpe hpyi

Gara Daw Gaw Nye A Dawdan Lam Hpe Madun Nga Ai Kun?

Langai: Tinang myit ai gaw grau kaja ai ngu sawn la nna dai hpe lata

Langai: Tinang hkrai hkaja ai hte akyu hpyi ai hku nna Yehowa a lam matsun hpe tam

Lahkawng: Tinang dawdan da ai lam hpe shaman chyeju jaw na matu Yehowa kaw hpyi

Lahkawng: Chyum Laika npawt tara ni hte maren lata