Mak 16:1-8
-
A kpare Jesu no uwhu ze no (1-8)
16 Fikiere nọ Ẹdijala na ọ vrẹ no, Meri Magdalini, Meri oni Jemis, gbe Salomi a tẹ dẹ eware nọ i re gbo ore awere re a nyae rehọ ae wholo ori Jesu.
2 Evaọ irioke ẹdẹ ọsosuọ oka na* nọ ọre ọ va ze no, a te te obọ uki* na.
3 A tẹ jẹ ta kẹ ohwohwo nọ: “Kọ ono o ti ghelie utho na no unu uki na kẹ omai?”
4 Rekọ nọ a rri, a tẹ ruẹ nọ a ghelie utho na no, dede nọ o jọ ruaro gaga.
5 Nọ a ruọ evaọ uki na, a tẹ ruẹ ẹghele ọzae jọ nọ ọ keria ofẹ obọze na, nọ o ku iwu efuafo họ, u te gbe ai unu thesiwa.
6 Ọ tẹ ta kẹ ae nọ: “U gbe owhai unu hu. Jesu ohwo Nazarẹt nọ a kare fihọ ure kpe na wha be gwọlọ. A kpare riẹ no. Ọ rrọ etenẹ hẹ. Rri, oria nọ a ki rie fihọ ona.
7 Rekọ wha nya, wha ta kẹ ilele riẹ gbe Pita nọ, ‘O bi kpobọ Galili nyae hẹrẹ owhai. Wha te jọ obei ruẹ e riẹ, wọhọ epanọ ọ ta kẹ owhai.’”
8 Fikiere nọ a no eva uki na ze, a tẹ dhẹ vrẹ, bi nuhu avọ ọwhewhe nọ ọ da rai oma fia. A ta oware ovo kẹ ohwo ọvo ho, keme ozọ u je mu ae.*
Eme-Obotọ
^ Ẹdẹ nana ma bi se Ẹdoka nẹnẹ na. Rọkẹ ahwo Ju, ẹdẹ yena ọ jọ ẹdẹ ọsosuọ oka na.
^ Hayo “uki ekareghẹhọ.”
