Ahị bwu ẹpwụma bala oja ịdatị-datị, ma, ahị tị yẹ ju lawụlẹ ẹ-ẹpwụ nya irya ookpokpo. Ọgụgụ wuu, ahị tịtọ nyọka ya ihi ha Ijihova, Ohe oluhye ọlẹ ka ọla Ibayịbụụ, kọ tị họ ang myi̇́ ang wuu. Ahị kaa maga yẹyẹ nyọka ba Ijisọsị ịkịrayịsị jẹ, ahị tị chị ọkẹkẹnị yẹyẹ nyori ahị ri angịnyị nya Ịkịrayịsị. Ọng myị ọng nyahị wuu tị kaa kpa ụka nyamwụ da angịnyị ụbwọ ị ka jẹ Ibayịbụụ bala Ịpyị-adịrahụ nya Ohe oluhye. Chajị ahị kaa họ ibeenu, lee ya ẹla ju angịnyị u-uhye nya Ijihova Ohe oluhye bala Ịpyị-adịrahụ nyamwụ, ịnyi adudu kahị ri Alibeenu nya Ijihova lẹ.