Salamo 113:1-9

  • Ataiai Diravana ese ladana maragi tauna ia abia isi

    • Iehova ena ladana hanamoa ela bona hanaihanai (2)

    • Dirava ia igo diho (6)

113  Iah hanamoa!* Iehova ena hesiai taudia e, ia umui hanamoa,Iehova ena ladana umui hanamoa.  2  Iehova ena ladana umui hanamoa be namo,Hari amo ela bona hanaihanai.+  3  Dina daekau kahana amo ia lao dina diho kahana dekenai,Iehova ena ladana ita hanamoa be namo.+  4  Iehova be bese ibounai edia ataiai ia noho,+Iena hairai be guba ena ataiai ia noho.+  5  Daika be Iehova iseda Dirava,Ataiai ia noho* Diravana bamona?+  6  Ia igo diho, guba bona tanobada ia itaia totona,+  7  Ladana maragi taudia be tano ena kahu amo ia abia isi.Ia ese ogogami tauna be lahi ena momoru* amo ia abia isi,+  8  Unai amo ia be lohia taudia ida do ia helai,Ena taunimanima edia lohia taudia unai.  9  Ia ese natuna lasi hahine dekenai ruma ia henia,Unai hahine be mai ena natudia bona ia moale.+Iah hanamoa!*

Futnout

^ Eiava “Aleluia!” “Iah” be Iehova ena ladana kwadogina.
^ Eiava “terona ai ia helai.”
^ Eiava reana, “momoru negea gabuna.”
^ Eiava “Aleluia!” “Iah” be Iehova ena ladana kwadogina.

Copyrights for this publication