Iosua 12:1-24
12 Vadaeni Israela taudia ese inai king taudia idia halusia bona edia tano idia abia, unai be Ioridane ena ist kahana, Aranona Koura+ amo ia lao Heremona Ororo+ bona Araba tano ena ist kahana ibounai.+ Unai king ta be,
2 King Sihona,+ ia be Amoro taudia edia king bona Hesebona ai ia noho. Bona ia ese Aroere siti ia lohiaia,+ unai siti be Aranona Koura ena isena ai ia noho.+ Bona unai koura ena huana amo ela bona Gileada ena kahana ta, bona ela bona Iaboka Koura ia lohiaia, unai be Amono taudia edia tano hetoana.
3 Danu, ia ese Arabaha ena ist kahana amo ela bona Kinerete Gohuna* ia lohiaia,+ bona ia ese Arabaha Davara, Damena Davara* unai, ia lohiaia, bona Bete-iesimoto ena ist kahana amo ela bona saut kahana ia lohiaia, unai be Pisiga ena henuna kahanai.+
4 King ma ta be Oga,+ ia be Basana ena king bona Asataroto bona Ederei ai ia noho, bona ia be Repaima tauna ginigabedia ta,+
5 bona Heremona Ororo, Saleka, Basana ibounai ena tano ia lohiaia,+ ela bona Gesuru bona Makata taudia edia tano hetoana,+ bona Gileada ena kahana ta amo ela bona Hesebona ena king, Sihona ena tano ai.+
6 Iehova ena hesiai tauna Mose bona Israela taudia ese unai king ibounai idia halusia,+ unai murinai Iehova ena hesiai tauna Mose ese edia tano be Rubena iduhu taudia, Gado iduhu taudia, bona Manase iduhu kahana taudia dekenai ia henia, idia noholaia totona.+
7 Iosua bona Israela taudia ese Ioridane ena west kahanai inai king taudia idia halusia bona edia tano idia abia, unai be Bala-gada amo,+ ia be Lebanona Koura ai ia noho,+ ela bona Halaka Ororo,+ unai be Seiri kahirakahira ai.+ Unai murinai Iosua ese edia tano be Israela iduhu dekenai ia haridia, idia ese idia noholaia totona.+
8 Bona ororo gabudia danu, Sepala, Arabaha, koura gabudia, taunimanima lasi gabuna, bona Negebe idia abia.+ Unai be Hiti taudia, Amoro taudia,+ Kanana taudia, Perisi taudia, Hivi taudia, bona Iebusu taudia edia tano.+ Bona edia king taudia be inai:
9 Ieriko ena king;+ Ai ena king,+ unai siti be Betele kahirakahira;
10 Ierusalema ena king; Heberona ena king;+
11 Iaramutu ena king; Lakisi ena king;
12 Egalona ena king; Gesere ena king;+
13 Debiri ena king;+ Gedere ena king;
14 Horoma ena king; Arada ena king;
15 Libina ena king;+ Adulama ena king;
16 Makeda ena king;+ Betele ena king;+
17 Tapua ena king; Hepere ena king;
18 Apeka ena king; Lasarono ena king;
19 Madona ena king; Hasoro ena king;+
20 Simarona-merona ena king; Akasapa ena king;
21 Tanaka ena king; Megido ena king;
22 Kedesi ena king; Iokoneama ena king,+ ia be Karamele ai ia noho;
23 Doro ena king, ia be Doro ena ororo maragidia ai ia noho;+ Goimi ena king, ia be Gilegala ai ia noho;
24 Tirisa ena king; unai king ibounai be 31.
