markus ke mutabik khushkhabri 7:1-37
7 ab fareesi aur kuch shaastri jo yarooshalem se vahaan aaye the, uske paas jama huye.+
2 unhonne dekha ki uske kuch chele dooshit haathon se yaani bina haath dhoye* khaana khaate hain.
3 (darasal fareesi aur saare yahoodi apne purkhon ki thehrayi paramparaon ko sakhti se maante hain. isliye woh tab tak khaana nahin khaate jab tak ki kohni tak haath na dho lein.
4 aur baazar se lautne par woh tab tak nahin khaate jab tak ki woh paani se khud ko shuddh na kar lein. aisi kai aur paramparayen unhein mili hain jinhein woh sakhti se maante hain. jaise pyalon, surahiyon aur tambe ke baratnon ko paani mein dubki dilana.)+
5 in fareesiyon aur shaastriyon ne yeeshu se poochha, “kyon tere chele hamare purkhon ki paramparayen nahin maante aur dooshit haathon se khaana khaate hain?”+
6 yeeshu ne unse kaha, “yashayah ne tum kaptiyon ke baare mein bilkul sahi bhavishyavani ki thi, jaisa likha hai, ‘ye log honthon se to mera aadar karte hain, magar inka dil mujhse koson door rehta hai.+
7 ye bekar hi meri upasna karte hain kyonki ye insanon ki aagyaon ko parmeshvar ki shikshayen batakar sikhate hain.’+
8 tum parmeshvar ki aagyaon ko chhod dete ho aur insanon ki paramparaon ko pakde rehte ho.”+
9 fir usne kaha, “tum apni parampara ko banaye rakhne ke liye kitni chaturai se parmeshvar ki aagya taal dete ho.+
10 misal ke liye, moosa ne kaha tha, ‘apne pita aur apni maa ka aadar karna,’+ aur ‘jo koi apne pita ya apni maa ko bura-bhala kehta hai* woh maar daala jaaye.’+
11 magar tum kehte ho, ‘agar ek aadmi apne pita ya apni maa se kehta hai, “mere paas jo kuch hai jisse tujhe faayda ho sakta tha woh kurban hai (yaani parmeshvar ke liye rakhi gayi bheint hai),” to yah galat nahin.’
12 aisa karke tum use apne pita ya apni maa ke liye kuch bhi nahin karne dete.+
13 is tarah tum apni paramparaayen sikhakar parmeshvar ke vachan ko radd kar dete ho.+ tum aise bahot-se kaam karte ho.”+
14 fir usne bheed ko dobara apne paas bulaya aur unse kaha, “tum sab meri baat dhyan se suno aur iske maayne samjho.+
15 aisi koi cheez nahin jo baahar se insan ke andar jaakaar use dooshit kar sake. magar jo cheezen insan ke andar se nikaaltee hain, woh hi use dooshit karti hain.”+
16 * —
17 jab woh bheed se door ek ghar mein gaya, to uske chele us misal ke baare mein usse saval poochhne lage.+
18 tab usne chelon se kaha, “kya tum bhi unki tarah samajh nahin rakhte? kya tum nahin jaante ki baahar ki koi bhi cheez jo insan ke andar jaati hai, use dooshit nahin kar sakti?
19 kyonki woh uske dil mein nahin balki uske pet mein jaati hai aur fir mal- kund mein nikaal jaati hai?” is tarah usne khaane ki sabhi cheezon ko shuddh thehraya.
20 iske baad usne kaha, “insan ke andar se jo paayenge hai, vahi use dooshit karta hai.+
21 kyonki insanon ke andar se, unke dilon se hi ye baatein nikaaltee hain:+ bure vichar, naajayaz yaun-sambandh,* chori, katla,
22 vyabhichar,* laalach, dusht kaam, dhokhadhadi, nirlajj kaam,* irshya se bhari aankhein, ninda, ghamand aur moorkhta.
23 ye saari buraiyaan insan ke andar se nikaaltee hain aur use dooshit karti hain.”
24 vahaan se uthkar yeeshu sor aur seedon ke ilake mein gaya.+ vahaan woh ek ghar mein gaya aur nahin chahta tha ki koi uske baare mein jaane. fir bhi, woh logon ki nazar se chhip na saka.
25 vahaan ek aurat thi, jiski chhoti bachchi mein dusht swargdoot samaya tha. jaise hi yeeshu vahaan aaya, uske aane ki khabar sunkar woh aurat uske paas aayi aur uske pairon par gir padi.+
26 woh aurat yoonani thi aur seeriya praant ke feeneeke ilake ki rehnevali thi. woh usse binti karti rahi ki meri beti mein se dusht swargdoot nikaal de.
27 magar yeeshu ne usse kaha, “pehale bachchon ko ji-bharke khaa lene do kyonki bachchon ki roti lekar pillon ke aage feinkna sahi nahin.”+
28 magar aurat ne kaha, “sahi kaha saahab, magar fir bhi pille bachchon ki mez se gire tukde to khaate hi hain.”
29 yah sunkar yeeshu ne usse kaha, “toone jo yah baat kahi hai, isliye jaa, dusht swargdoot teri beti mein se nikaal chuka hai.”+
30 tab woh aurat apne ghar chali gayi aur usne dekha ki uski bachchi bistar par leti hai aur dusht swargdoot usmein se nikaal chuka tha.+
31 jab yeeshu sor ke ilake se nikala, to woh seedon aur dikapulis* ke ilake se hota hua vaapas galeel jheel pahuncha.+
32 yahaan log uske paas ek behre aadmi ko laaye jo theek se bol bhi nahin paata tha.+ unhonne yeeshu se binti kee ki woh apna haath us par rakhe.
33 yeeshu us aadmi ko bheed se door alag le gaya aur uske kaanon mein apni ungliyaan daalin aur thookne ke baad uski jeebh ko chhua.+
34 fir usne aakash ki taraf dekha aur gehri aah bharkar usse kaha, “effatah,” jiska matlab hai “khul jaa.”
35 tab us aadmi ki sunnae ki shakti laut aayi+ aur uski zaban khul gayi aur woh saaf-saaf bolne laga.
36 fir yeeshu ne unhein sakhti se kaha ki yah sab kisi ko na batayen.+ magar jitna woh mana karta, utna hi woh uski khabar failate gaye.+
37 vaakai, log hairan the+ aur kah rahe the, “usne kamaal kar diya! woh to behron aur goongon ko bhi theek kar deta hai.”+
