Mẹdelẹ yise . . .

dọ e na yin vasudo lẹdo aihọn pé de gbọn awhànfunnu nuvasudo tọn lẹ kavi lẹdo huhusudo dali. Etẹ mì lẹn?

Nuhe Biblu dọ

Amagẹdọni yin nọtẹn yẹhiadonu tọn de na “awhàn azán daho Jiwheyẹwhe Ganhunupotọ lọ tọn,” enẹ wẹ awhàn he e na fùn sọta mẹylankan lẹ.—Osọhia 16:14, 16.

Nudevo tẹwẹ mí sọgan plọn sọn Biblu mẹ?

• Jiwheyẹwhe na fùn awhàn Amagẹdọni tọn, e ma yin nado hù aigba sudo gba, ṣigba nado whlẹn ẹn sọn husudo gbẹtọvi lẹ tọn si. —Osọhia 11:18.

• Awhàn Amagẹdọni tọn na hẹn awhàn lẹpo wá opodo.—Salmu lẹ 46:8, 9.

Etẹ mì na dọ?

• Mọwẹ

• Lala

• N’ma yọnẹn

Nuhe Biblu dọ

“Gbẹtọ susugege de” sọn akọta lẹpo mẹ na lùn “nukunbibia daho lọ” tọ́n, ehe na wá vivọnu po awhàn Amagẹdọni tọn po.—Osọhia 7:9, 14.

Nudevo tẹwẹ mí sọgan plọn sọn Biblu mẹ?

• Jiwheyẹwhe jlo dọ eyin e yọnbasi, mẹsusu ni lùn Amagẹdọni tọ́n. E na và mẹylankan lẹ sudo, na nuhe yé jẹna niyẹn.​—Ezekiẹli 18:32.

• Biblu dọ lehe yè sọgan lùn Amagẹdọni tọ́n do.​—Zefania 2:3.