¿Mbaʼépa heʼi la Biblia?
¿Mbaʼépa hína pe Armagedón?
Mbaʼépa opensa jepi umi hénte
Oĩ opensáva Armagedónpe ko yvy oñehunditaha umi vómba nukleár rupive térã peteĩ desástre naturál ivaietereíva rupive. ¿Mbaʼépa nde repensa?
Mbaʼépa heʼi la Biblia
Armagedón haʼe hína peteĩ gérra. “Ko gérra oikóta Ñandejára Ipuʼakapáva ára guasúpe”, ha upépe haʼe ohundipaitéta entéro umi ojapóvape mbaʼe vai (Apocalipsis 16:14, 16).
¿Mbaʼépa ikatu ñaaprendeve la Bíbliagui?
Ñandejára ndoguerumoʼãi Armagedón ohundi hag̃ua ko planéta, síno ndoipotáigui umi hénte ohundi ko yvy (Apocalipsis 11:18).
Armagedón rire ndaiporimoʼãvéima umi gérra (Salmo 46:8, 9).
¿Ikatúpa jajesalva ou vove Armagedón?
¿Mbaʼépa nde ere?
Si
No
Ikatu mbaʼe
Mbaʼépa heʼi la Biblia
“Peteĩ aty guasu” térã heta hénte opa tetãygua ojesalváta ág̃a ou vove pe jehasa asy guasu ha avei Armagedón, oñepyrũtava opakuévo pe jehasa asy guasu (Apocalipsis 7:9, 14).
¿Mbaʼépa ikatu ñaaprendeve la Bíbliagui?
Ñandejára oipota Armagedónpe ojesalva opa ikatúva. Haʼe ohundi umi hénte añáme naipohãvéiramo añoite (Ezequiel 18:32).
La Biblia heʼi mbaʼépa jajapo vaʼerã jajesalva hag̃ua Armagedónpe (Sofonías 2:3).
