Ehecha oĩva pype

¡JAVYʼÁKENA SIÉMPRE!

Aty guasu tres diagua ojapóva testígo de Jehová 2020

Rovyʼaiterei ikatu haguére roinvita ehecha hag̃ua pe aty guasu tres diagua ojapótava testígo de Jehová ko áñope. Jaikuaaháicha, pe mbaʼasy oprodusíva pe coronavirus (COVID-19) iñasarambi oparupiete, upévare ko áñope pe aty guasu tres diagua ojehupíta ñande sítio jw.org-pe. Umi sesión orekótava pe aty guasu oñemoĩta ohóvo ñande sítiope julio ha agóstope.

MBAʼE MBAʼÉPA OJEHECHAUKÁTA

  • Viernes pyhareve ha kaʼaru: Jahecháta mbaʼéichapa ména, tembireko ha mitãnguéra ikatu oñopytyvõ siémpre ovyʼa hag̃ua hikuái. Avei ikatúta jahecha mbaʼéichapa Ñandejára kreasión ha pe kapasida jarekóva ñaaprendeve hag̃ua umívagui ohechauka Ñandejára oipotaitereiha javyʼa.

  • Sábado pyhareve ha kaʼaru: ¿Mbaʼérepa umi testígo de Jehová omombeʼu opárupi pe mensáhe bíblico ñanembovyʼaitéva? Jaikuaa hag̃ua umi Testígo osegiha la Biblia heʼíva opredika ha oporomboʼe hag̃ua ojejapóta umi série de diskúrso, entrevísta, ha ojehechaukáta videokuéra.

  • Domingo pyhareve ha kaʼaru: La Biblia heʼi Ñandejára vendisión “la añetehápe ñanemborríkova, ha haʼe ni michĩmi nañanembosufríri” (Proverbios 10:22). Ikatúta ehecha pe diskúrso bíblico hérava “¿Mbaʼéichapa ikatu ehupyty umi rrikésa añetehápe nembovyʼátava?” oexplikátava mbaʼérepa ikatu jajerovia upe promésare.

  • Pelíkula bíblica: ¿Mbaʼéichapa ikatu nepytyvõ pe rreláto bíblico ohechaukáva Nehemías ikyreʼỹ ha ipyʼaguasu hague? Sábado kaʼaru ojehecháta pe párte 1 orekóva peteĩ pelíkula bíblica ha domingo kaʼaru pe párte 2, upe pelíkula héra “Pe vyʼa Jehová omeʼẽva peẽme pendeprotehéta” (Nehemías 8:10).

IKATU REHECHA GRATIETE

NATEKOTEVẼI EMOÑEPYRŨ SESIÓN NI EJERREHISTRA

Ikatu rehecha pe prográma asambleagua kompletoite, ha avei peteĩ vidéo oñeʼẽva umi aty guasúre.