Ehecha oĩva pype

Ehecha menú secundario

Testígo de Jehová

guarani

¿Mbaʼérepa umi testígo de Jehová ndofestehái Navidad?

Ojeʼéva jepi

Japu: Umi testígo de Jehová ndofestehái Navidad ndojeroviái rupi Jesúsre.

Añete: Ore ningo kristiáno ha roguerovia Jesucristo rupivémante ikatuha jajesalva (Hechos 4:12).

Japu: Peẽ pemomombyry ojuehegui umi famíliape pemboʼévo ndojefestehái vaʼerãha Navidad.

Añete: Ore ningo rojepyʼapy ore pyʼaite guive umi famíliare ha upévare roipuru la Biblia roipytyvõ hag̃ua chupekuéra ojogueraha porã hag̃ua oñondivepa.

Japu: Navidádpe ningo entéronte ojoguerohory, ipojera ha imbaʼeporã, ha peẽ ndapejapói upéva.

Añete: Ore ningo roñehaʼãmbaite orembaʼeporã ha roiko pyʼaguapýpe opavavéndi ára ha ára (Proverbios 11:25; Romanos 12:18). Por ehémplo, ore rreunionkuéra ha predikasión roñehaʼã rojapo Jesús heʼi haguéicha: “Reínte oñemeʼẽ kuri peẽme, ha reínte pemeʼẽ vaʼerã avei” (Mateo 10:8). Ha avei roguerovia Ñandejára Rréino poguýpe añoite ikatutaha jaiko pyʼaguapýpe ko yvy tuichakuére (Mateo 10:7).

Umi testígo de Jehová ndofestehái Navidad koʼã mbaʼére:

  • Jesús ojerure vaʼekue jagueromanduʼa hag̃ua haʼe omano hague ára, ndahaʼéi onase hague día (Lucas 22:19, 20).

  • Jesús apostolkuéra ha umi kristiáno ypykue ndofestehái vaʼekue Navidad. Peteĩ enciclopedia (New Catholic Encyclopedia) heʼi “pe Navidad oñepyrũ hague ojefesteha áño 243 (d.C.) guive”, un síglo rupi umi apóstol omano rire ae.

  • Jesús nonaséi 25 de diciembre; la Biblia ndeʼíri mbaʼe fechaitépa haʼe onase.

  • Pe Navidad ningo ou umi rrelihión japu ojapóvagui omombaʼeguasu hag̃ua ijára guaʼúpe, ha upévare ore roikuaa Ñandejára ndoguerohoryiha pe Navidad (2 Corintios 6:17).

¿Mbaʼére piko ndofesteháintema pe Navidad ojapoháicha umi hénte?

Heta oĩ ofesteháva pe Navidad oikuaáramo jepe ouha rrelihión japúgui ha la Biblia ndeʼiriha jafesteha hag̃ua. Umichagua tapicha oiméne heʼi: “¿Mbaʼére piko kristianokuéra omboykéta peteĩ mbaʼe ymaite guive ojejapóva? Enterovénte ningo ofesteha vaʼerã upéva”.

La Biblia ñanemokyreʼỹ ‘ñanearandu’ hag̃ua, ha ñandete jadesidi mbaʼépa iporã jajapo (Romanos 12:1, 2). Ñanemboʼe avei ñamombaʼe vaʼerãha pe añetegua (Juan 4:23, 24). Upévare, iñimportánteramo jepe oréve mbaʼéichapa umi hénte orerecha, noromboykemoʼãi la Biblia heʼíva ropyta porã hag̃uánte opavavéndi.

Ore rodesidíramo jepe ndorofestehái pe Navidad, ndorojopýi avavépe ojapo hag̃ua upéicha, káda uno ikatu odesidi mbaʼépa oĩ porã chupe g̃uarã.