Umi kristiáno ypykue opredika vaʼekue umi notísia porã oñeʼẽva Ñandejára Rréinore umi lugár mombyryvehápe jepe ko yvy ape ári. Jesús ogia chupekuéra oikuaa hag̃ua moõpa opredika vaʼerã ha pe espíritu sánto rupive oipytyvõ chupekuéra oñeʼẽ hag̃ua umi héntepe iñidiómape. Jehová ombopyʼaguasu ha omombarete chupekuéra oaguanta hag̃ua ojepersegi mbaretérõ jepe chupekuéra.

Jesús ohechauka vaʼekue apóstol Juánpe peteĩ visiónpe mbaʼéichapa pe lugár Jehová oĩha. Ótra visiónpe Juan ohecha pe Rréino yvagapegua ipuʼakaha Satanás rehe ha ohundi chupe pára siémpre. Ohecha avei Jesúspe ogoverna hína umi 144.000 ndive, ko yvýgui katu oiko peteĩ  hardín iporãitereíva ha enterove oadora Jehovápe pyʼaguapýpe ha peteĩ ñeʼẽme.