Suʼttia tü shiʼipakat 7
Sünain shiʼipakat tüü, wekirajaajeerü anain süchiki nakuwaʼipa na aluwataaliikana Saúl nümaa David jee tü alatakat soʼutpünaa 80 juya. Nuʼttaiwaʼaya Saúl sünain aluwatawaa, oonooshi nia sümaa nünüiki Maleiwa otta nnojotsü yaletüin naaʼin. Mapa, amojujaasü nukuwaʼipa otta eʼrüijaashi nia wayumüin. Niyoutuin Jeʼwaa nia sünainjee tia, nuluwataaka Samuel süpüla nüneeküin David süpüla nuluwataainjachin saaʼu Israel. Achunjüshi Saúl nümüin David otta nuʼutee aaʼinchi nia. Akaisaʼa David nnojoishi achajaain pasalawaa. Nütüjaa aaʼu Jonatán chi nüchonkai Saúl, nüneekünüin David nutuma Jeʼwaa süpüla nuluwataainjachin saaʼu Israel, müshijeseʼe waneepiain nia nümaa David. Kaainjalashi
David, anapejeʼe nümüin nüchiaain nia Jeʼwaa. Kachonle pia, pikiraja naya süpüla jüüjüüin sümüin süpüshuaʼa tü nüneekakat Maleiwa.SÜNAIN SHI'IPAKAT TÜÜ
EKIRAJAAYA 39
Chi aluwataakai palajana saaʼu Israel
Eejana nekiipüʼü na Israeliitakana nutuma Jeʼwaa süpüla noʼunirüin nakuwaʼipa, akanasaʼa na israeliitakana achuntüshii wanee aluwataai. Niʼyotuin Samuel seita saaʼu nikii Saúl süpüla niainjachin Chi aluwataakai palajana saaʼu Israel; niyouktaka nia Jeʼwaa mapa, ¿jamüshi niyouktaka nia?
EKIRAJAAYA 40
Nüchiki David nümaa Goliat
Aneekünüshi David nutuma Jeʼwaa süpüla nuwataain saaʼu Israel jee saaʼujee tü naaʼinrakat David atüjaana aaʼu niain chi nüneekakai Maleiwa.
EKIRAJAAYA 41
Nüchiki David nümaa Saúl
Aʼürülaanüshi wanee wayuu anamia nutuma wanee wayuu mojulaashi. ¿Müsüche nukuwaʼipa chi wayuu anamiakai nümüin chi wayuu mojulaashikai
EKIRAJAAYA 42
Waneepiashi Jonatán sümaa yalayalain naaʼin
Chi nüchonkai chi aluwataaikai, aleewashi maʼin nümaa David.