Shi kɛya he ni ato saneyitsei lɛ anaa yɛ lɛ

Mɔ He Saji Ahe Mlai

Mɔ He Saji Ahe Mlai

SANE NI HE MIIHIA WAA: KƐ́ OBA WƆWƐBSAIT LƐ NƆ LOO OKƐ OHE SAJI HÃ WƆ LƐ, BELƐ OKPƐLƐƆ NƆ KWRAA AKƐ WƆBAANYƐ WƆKƐ OHE SAJI NI OKƐWOƆ NƆ LƐ ATSU YIŊTOI NI ATSƆƆ YƐ MƆ HE SAJI AHE MLAI NI NYIƐ SƐƐ NƐƐ AMLI LƐ AHE NII, NI AGBƐNƐ HU WƆKƐTSU NII YƐ GBƐ NI KƐ MƆ HE SAJI AHE MLAI KƐ GBƐTSƆƆMƆI LƐ KPÃA GBEE LƐ NƆ.

 WƆKƐ OHE SAJI SHWƐƐƐ KWRAA

Wɔtswa wɔfai shi akɛ wɔbaabu ohe saji ahe jogbaŋŋ, ni wɔkɛhãŋ mɔ ni esaaa ni enine shɛɔ nɔ. Mlai nɛɛ tsɔɔ bɔ ni wɔkɛ ohe saji fɛɛ ni wɔnáa yɛ odɛŋ loo okɛhãa wɔ lɛ baatsu nii wɔhã yɛ wɔwɛbsait lɛ nɔ. Kɛ́ oba wɔwɛbsait lɛ nɔ lɛ, wɔnine shɛɔ saji komɛi anɔ, ni wɔle akɛ ehe miihia ni wɔbaa saji nɛɛ ayi jogbaŋŋ, ní wɔhã ole nɔ ni wɔkɛbaafee. Obaanyɛ okɛ ohe saji ahã wɔ. Wiemɔ ni ji “ohe saji” ni akɛtsu nii yɛ sane nɛɛ mli lɛ damɔ shi kɛhã nibii tamɔ ogbɛ́i, e-mail adrɛs, postal adrɛs, tɛlifoŋ nɔmba, loo nibii krokomɛi ni abaanyɛ akɛyɔse bo. Abiii ni okɛ ohe sane ko ahã wɔ dani onyɛ oya wɛbsait nɛɛ nɔ hei ni mɔ fɛɛ mɔ kwraa nyɛɔ eyaa lɛ. Wiemɔ ni ji “wɛbsait” lɛ kɔɔ wɛbsait nɛɛ kɛ wɔwɛbsait krokomɛi tamɔ apps.jw.org, tv.jw.org, stream.jw.org, kɛ wol.jw.org lɛ ahe.

 MƆ NI NINE SHƐƆ OHE SAJI LƐ ANƆ

Wɛb sait nɛɛ nɔtsɛ ji Watchtower Bible and Tract Society of New York, Inc. (“Watchtower”), ni eji nitsumɔhe ko ni yɔɔ New York ni yeee jara kɛtaooo sɛɛnamɔ; eyeɔ ebuaa Yehowa Odasefoi ashiɛmɔ kɛ Biblia tsɔsemɔ nitsumɔ lɛ. Kɛ́ bo diɛŋtsɛ okpɛ oyiŋ akɛ obaagbele akaunt, obaatsu onia, loo obi ni akɛ bo akase Biblia lɛ, loo ofee nɔ ko yɛ wɛbsait lɛ nɔ ni baabi ni okɛ ohe saji awo nɔ lɛ, no tsɔɔ akɛ okpɛlɛɔ Mlai nɛɛ anɔ, ni okpɛlɛɔ hu akɛ, abaanyɛ akɛ ohe saji ato sɛɛva srɔtoi ni yɔɔ United States of America lɛ anɔ, ni Watchtower kɛ Yehowa Odasefoi agbɛjianɔtoi srɔtoi ni yɔɔ maji srɔtoi lɛ anɔ lɛ baanyɛ abua ohe saji anaa eto, ekɛtsu nii, loo ekɛmaje enitsumɔhei krokomɛi kɛ́ ehe miihia ni efee nakai kɛtsu nɔ ni obiɔ ni afee ahã bo lɛ he nii. Yehowa Odasefoi ajamɔ lɛ ji jeŋ muu fɛɛ gbɛjianɔtoo, ni eyɛ mla naa gbɛjianɔtoi srɔtoi yɛ maji srɔtoi anɔ. Mla naa gbɛjianɔtoi ni wɔkɛtsuɔ nii kɛbuɔ ohe saji ahe lɛ ekomɛi ji, Yehowa Odasefoi asafoi, nitsumɔhe niji, kɛ mla naa gbɛjianɔtoi krokomɛi.

Nɔ ni obaafee yɛ wɛbsait lɛ nɔ lɛ ji nɔ ni baatsɔɔ he ni ohe saji lɛ baaya. Akɛ nɔkwɛmɔnɔ lɛ, kɛ́ otsu onia ohã Yehowa Odasefoi amla naa gbɛjianɔtoo ko yɛ maŋ pɔtɛɛ ko nɔ lɛ, no lɛ akɛ ogbɛ́i, otɛlifoŋ nɔmba kɛ adrɛs baamaje nakai mla naa gbɛjianɔtoo lɛ ní ahã ole be ni otsuɔ onia lɛ. Nɔkwɛmɔnɔ kroko hu nɛ, kɛ́ obi ni akɛ bo akase Biblia lɛ, no lɛ akɛ ogbɛ́i, otɛlifoŋ nɔmba kɛ adrɛs baamaje Yehowa Odasefoi anitsumɔhe ni yɔɔ omaŋ lɛ mli lɛ kɛ asafo ko koni etsu onibimɔ lɛ he nii ehã bo.

Bɔ ni afee ni aye abua bo lɛ, kɛ́ maŋ nɔ ni oyɔɔ lɛ yɛ mlai ni buɔ mɛi ahe saji ahe lɛ, obaanyɛ ona maŋ ni oyɔɔ nɔ lɛ adrɛs kɛ tɛlifoŋ nɔmba yɛ sait lɛ nɔ fã ni ji Mɛi Ahe Saji Ahebuu​—Adrɛs Kɛ Tɛlifoŋ Nɔmba.

 WƆHÃAA MƐI NI BƐ HEGBƐ LƐ ANINE ASHƐ OHE SAJI ANƆ

Wɔkɛ ohe saji ni wɔnine shɛɔ nɔ lɛ toɔ jogbaŋŋ, ni wɔkwɛɔ koni mɛi ni bɛ hegbɛ lɛ anine akashɛ nɔ. Wɔtsɔɔ ŋai srɔtoi ni atsɔɔ nɔ amrɔ nɛɛ akɛ nibii toɔ lɛ anɔ wɔbuɔ ohe saji ahe koni mɛi ni bɛ hegbɛ lɛ anine akashɛ nɔ, mɔ ko akaŋɔ kɛtsu nii bɔ ni esaaa loo ahã mɔ ko le, akatsake hiɛ, akafite lɛ bɔ ni mla eŋmɛɛɛ gbɛ, loo nɔ ko ba ni efite. Wɔkɛ mɛi fɛɛ ni tsuɔ ohe saji ahe nii lɛ eba gbeekpamɔ akɛ esaaa akɛ amɛhãa mɔ ko ni bɛ hegbɛ lɛ nine shɛɔ ohe sane ko nɔ kɔkɔɔkɔ. Wɔkɛ ohe saji lɛ toɔ, ni ehiɔ wɔŋɔɔ bei abɔ pɛ ni ehe baahia kɛhã yiŋtoi ahewɔ ni okɛwo wɛbsait nɛɛ nɔ lɛ ahe nitsumɔ loo koni ekɛ bei abɔ ni mla ŋmɛɔ gbɛ ni akɛto lɛ akpã gbee.

Kɛ́ wɔkɛ ohe saji lɛ miimaje he kroko lɛ, wɔkɛ kɔmpiuta program ko tamɔ Transport Layer Security (TLS), ni hãaa mɔ ko kwraa nine ashɛ ohe saji lɛ anɔ lɛ tsuɔ nii. Wɔkɛ kɔmpiutai ni wɔkɛtsuɔ nii lɛ toɔ hei ni mɛi fioo ni ahã amɛ hegbɛ pɛ nyɛɔ amɛyaa jɛmɛ loo amɛyaa nɔ, ni wɔfeɔ enɛ koni wɔkɛbu saji ni wɔnine shɛɔ nɔ lɛ ahe jogbaŋŋ koni mɛi ni bɛ hegbɛ lɛ anine akashɛ nɔ, ni agbɛnɛ hu wɔkɛbaa mɛi asaji ayi. Wɔkɛ gbɛtsɔɔmɔi ni tsɔɔ bɔ ni abuɔ mɛi ahe saji ahe lɛ tsuɔ nii waa, ni wɔfeɔ nakai koni mɔ ko ni bɛ hegbɛ lɛ nine akashɛ ohe saji lɛ anɔ.

 GBEKƐBII

Kɛ́ oji gbɛkɛ yɛ omaŋ lɛ mli, ni oba wɔwɛbsait lɛ nɔ, ni oosumɔ ni okɛ ohe saji awo nɔ lɛ, no lɛ ja ofɔlɔi loo mɔ ni oyɔɔ eŋɔɔ lɛ ekpɛlɛ nɔ dã. Kɛ́ fɔlɔ ji bo loo gbekɛ ko yɛ oŋɔɔ ni okpɛlɛ nɔ akɛ ekɛ ehe saji awo wɛbsait nɛɛ nɔ lɛ, no tsɔɔ akɛ okpɛlɛɔ wɛbsait nɛɛ nɔ Mlai ni kɔɔ gbekɛbii ni baa sait nɛɛ nɔ lɛ ahe lɛ nɔ.

 WƐBSAIT KROKOMƐI NI TSUƆ NIBII KOMƐI AHE NII AMƐHÃA WƆ

Bei komɛi lɛ, wɔwɛbsait nɛɛ nɔ hei komɛi yɛ ni kɛ́ okliki lɛ, ekɛ bo baaya mɛi ni wɔhã amɛtsuɔ nibii komɛi ahe nii amɛhãa wɔ lɛ awɛbsait nɔ (eko ji, kɛ́ oofili fɔm komɛi yɛ sait nɛɛ nɔ). Kɛ́ eba lɛ nakai lɛ, obaana akɛ oyaje wɛbsait kroko nɔ, ejaakɛ ebaasoro bɔ ni nakai wɛbsait lɛ yɔɔ yɛ wɔnɔ lɛ he, ni wɛbsait ni oyaje nɔ lɛ hu adrɛs baapue yɛ obraoza lɛ ŋwɛigbɛ. Kɛ́ wɔhala wɛbsait krokomɛi koni amɛtsu nibii komɛi ahe nii amɛhã wɔ lɛ, wɔkwɛɔ amɛmlai ni buɔ mɛi ahe saji ahe lɛ mli koni wɔná nɔmimaa akɛ amɛmlai lɛ kɛ wɔnɔ lɛ kpãa gbee, ni yɛ , yɛ be kɛ beiaŋ lɛ wɔfeɔ nakai. Kɛ́ oyɛ sanebimɔi komɛi yɛ wɛbsait ko ni wɔhã etsuɔ nɔ ko ehãa wɔ lɛ mlai lɛ ahe lɛ, ofainɛ kwɛmɔ amɛsait lɛ he mlai lɛ yɛ amɛwɛbsait lɛ nɔ.

 TSAKEMƆI NI AFEƆ YƐ MLAI NƐƐ AMLI

Wɔyaa nɔ wɔkɛ nibii hei ni baahã wɛbsait nɛɛ atsu nii jogbaŋŋ lɛ woɔ nɔ, ni wɔkɛ nibii hei hu fataa enɔ nibii lɛ ahe koni sait lɛ kɛnitsumɔ afee nɔ ni yɔɔ miishɛɛ. Tsakemɔi nɛɛ ni wɔyaa nɔ wɔfeɔ, kɛ tsakemɔi ni afeɔ yɛ mlai amli, kɛ tɛknɔlɔji ni yaa hiɛ hewɔ lɛ, bɔ ni wɔkɛ mɛi ahe saji tsuɔ nii wɔhãa lɛ baatsake yɛ be kɛ beiaŋ. Kɛ́ ehe bahia ni wɔtsake wɔ-Mlai lɛ, wɔkɛ tsakemɔ fɛɛ tsakemɔ ni wɔbaafee lɛ baawo biɛ koni be fɛɛ be lɛ, ole ohe saji ni wɔnine shɛɔ nɔ lɛ kɛ bɔ ni wɔkɛtsuɔ nii wɔhãa.

 AKTIV SKRIPTIN LOO JAVASKRIPT

Akɛ nɔ ko ni atsɛɔ lɛ yɛ Blɔfo mli akɛ Skriptin (Scripting) lɛ tsuɔ nii koni ehã sait lɛ atsu nii jogbaŋŋ. Kɛ́ akɛ skriptin tɛknɔlɔji tsu nii lɛ, ehãa sait lɛ nyɛɔ ekɛ saji kuɔ sɛɛ kɛhãa bo oyayaayai. Wɔkɛ skriptin tsuuu nii koni wɔkɛ sɔftwɛɛ ko awo okɔmpiuta lɛ nɔ loo koni wɔnine ashɛ ohe saji komɛi anɔ be ni wɔbiko bo gbɛ.

Esa akɛ oŋmɛ gbɛ ni Aktiv skriptin loo JavaSkript lɛ atsu nii yɛ braoza lɛ nɔ bɔ ni afee ni sait lɛ nɔ hei komɛi anyɛ atsu nii jogbaŋŋ. Braoza srɔtoi lɛ ateŋ babaoo ŋmɛɔ gbɛ koni ohala akɛ obaaŋmɛ Aktiv skriptin loo JavaSkript gbɛ ni etsu nii loo ekatsu nii yɛ wɛbsait pɔtɛi komɛi anɔ. Yaa he ni braoza lɛ he gbɛtsɔɔmɔi kɛhã yelikɛbuamɔ yɔɔ lɛ koni ona bɔ ni aŋmɛɔ skriptin gbɛ ní etsu nii yɛ sait komɛi anɔ.