Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 BULA VAKAIDEWADEWA SE BULI?

Na Bui ni Moko na Agama

Na Bui ni Moko na Agama

ENA sega ni dredre vua na moko na agama me lade mai na dua na vanua tautauvata ina lalaga, ena tau tale ga vakavinaka. Ke sisisi na vanua e lade mai kina, ena sisi na yavana, ia e se rawa ga ni tau vakavinaka e lalaga. E rawa vakacava qori? Baleta na buina.

Vakasamataka mada: Nira lade na mataqali moko qori mai na vanua varovaroa—na vanua era butu vinaka kina—era na lewavinaka mada e liu na kedra bi, era na sega tale ga ni laveta na buidra. Qori ena vukei ira mera lade vakadodonu. Ke sisisi na vanua era lade mai kina, era na taitaivatia qai vakavuna mera sega ni lade vakadodonu. Ia na gauna era lade tu kina, era na laveta cake na buidra me vakadodonutaka tale na yagodra. Na ka era cakava qori e sa bau vereverea dina. Ena dua na ripote e vakarautaka na University of California, e Berkeley: “Ena gauna era lade kina, era na veimoiyaka na buidra na moko me dodonu tu ga kina na yagodra.” Ke sisisi vakalevu na vanua era lade mai kina, era na laveta cake tale ga vakalevu na buidra mera tau kina vakavinaka.

Na bui ni moko qori e rawa ni vukei ira na idinia mera bulia e dua na mataqali lori e porokaramutaki, ena sega ni tavuki rawarawa ni ciciva na vanua sukusukura. E rawa ni vakayagataki qori mera vaqarai kina o ira era vakaleqai ena uneune se so tale na leqa lelevu. A kaya na dauvakadidike o Thomas Libby: “E sega ni vakatotomuria vinaka sara na misini na ka era cakava na manumanu. Koya gona, ke buli e dua na ka ena vukea me kua ni tavuki rawarawa kina na misini qori, sa na dua dina na cavuikalawa levu.”

Na cava o nanuma? E bula vakaidewadewa se buli na bui ni moko na agama?