E cakacaka levu na kena tara na valenisoro ena nodra gauna na Isireli, e levu tale ga na ilavo e vakayagataki kina. Ia era gumatua na Isireli mera tokona. (1Ve 29:2-9; 2Ve 6:7, 8) Ni tara oti na valenisoro, ena laurai ni vinaka nodra bula vakayalo ke ra vakavinakataka. (2Tu 22:3-6; 2Ve 28:24; 29:3) Nikua, dua na ka nodra sasaga na tacida ena tara Vale ni Soqoni kei na Vale ni Soqo Lelevu, na kena samaki kei na kena vakavinakataki. E itavi dokai meda cakacaka vata kei Jiova ena sala qo, e tiki tale ga ni noda sokalou.—Sm 127:1; Vta 7:15.

• Sasamaki ni oti na soqoni. Ke sega ni rawa ena vuku ni kemu ituvaki, raica me savasava na vanua o dabe kina.

• Tokona na kena samaki kei na kena vakavinakataki na Vale ni Soqoni. Ena mamada na sasamaki ke da veitauriligataka.—lv 105 ¶18.

• Tokona vakailavo. Nida cautaka mada ga e “rua na ilavo lailai sara” mai vu ni lomada, ena marautaka o Jiova.—Mar 12:41-44.

• Veivuke ena tara kei na vakavinakataki ni vale e qaravi kina na itavi vakalou. Sega ni vinakati sara mo kila na tara vale.