Raica sara na lewena

Raica na lewenivola

 NODA BULA VAKARISITO

Maqosa Tiko ga ena Cakacaka Vakaitalatala—Kotora na Yavu ni Veisikovi Lesu

Maqosa Tiko ga ena Cakacaka Vakaitalatala—Kotora na Yavu ni Veisikovi Lesu

VUNA E BIBI KINA:

Eda vinakata meda vakasuasuataka na sore ni ka dina eda tea. (1Ko 3:6) Nida kunea e dua na tataleitaki, e vinaka meda taroga e dua na taro meda qai veivosakitaka na kena isau nida lesu yani. Qo ena uqeti koya me nanamaki, ena vakarawarawataka tale ga na ka meda vakarautaka ena veisikovi lesu. Nida lesu, meda tukuna vua nida lai sauma na taro e tarogi vua.

KENA IWALEWALE:

  • Nida vakarautaka e dua na ivakamacala ena vunau e veivale, vakarautaka tale ga e dua na taro me saumi ena veisiko e tarava. Rawa ni yavutaki ena ivola o solia, se dua na taro ena saumi ena dua na noda ivola ni vuli mo drau veivosakitaka ena veisiko tarava.

  • Ni bera ni o tinia na veivosaki, tukuna vua ni o taleitaka mo lesuvi koya mo drau qai veivosakitaka na taro o sa vakarautaka tiko. Ke rawa, vola nona naba ni talevoni.

  • Ke o tukuna vua na gauna o na lesuvi koya kina, me kua ni daro.Mac 5:37.