TISEBA 9, 2022| IROGO VOU: EPERELI 25, 2023
RUSIA

IROGO VOU—TOTOGI ILAVO | “E Vukei Au Vakalevu Noqu Dau Masu Vagumatua”

SARAVA/ROGOCA

Ena ika25 ni Epereli 2023, e kaya na mataveilewai na Metallurgicheskiy District Court of Chelyabinsk mai Rusia ni cala o Sister Irina Mikhaylenko. E totogitaki me sauma e $1,471 na ilavo ni Merika.

Kena iTukutuku

Irina Mikhaylenko

Sucu: 1969 (Chelyabinsk, Yasayasa o Chelyabinsk)

Me baleti koya: E dairekita ni dua na kabani ni loya

E uqeti koya me via kila e levu tale na ka ena iVolatabu na vakayacori ni parofisai, kei na yaga ni ivakavuvuli vakaivolatabu. Ena 1997, e papitaiso me dua na iVakadinadina i Jiova

Ka e Tukuna

Cava e vukei iko mo kua ni nuiqawaqawa?

E uqeti au na nona ivakaraitaki o Jisu ena nona masu vagumatua ena were o Kecisemani ena gauna e nuiqawaqawa tu kina. Ni oti mada ga nona vakayaloqaqataki koya e dua na agilosi, se gumatua tiko ga na masu. (Luke 22:41-44) Niu lomaleqa se rere, e vukei au vakalevu noqu dau masu vagumatua.

E uqeti au tale ga na ka e kaya o Brother Dmitriy Mikhaylov, e veilewaitaki tale ga, e kaya: “Eda na rarawa ga vakalevu ke da vakasamataka tiko ga na veika eda sa vakayalia. Na totolo ga ni noda ciqoma na keda ituvaki, eda na marau nida qaravi Jiova da qai vukei ira e levu mera qaravi koya tale ga.’’ E uqeti au sara ga vakalevu na ivakasala qori, au marau niu muria qai vukei au meu kaukaua tiko ga vakayalo

E vakayaloqaqataki keda dina nona gugumatua o Irina kei na nona nuitaki Jiova, ‘ni o koya ena taqomaka nodra bula na yalodina vua.’—Same 97:10.

Veitaravi ni Gauna

Maji 26, 2019

Caka na vaqaqara ena tini na nodra vale na iVakadinadina i Jiova e Chelyabinsk, okati kina nona vale o Irina
Okosita 31, 2021

Tekivu na veivaqaqai
Okotova 22, 2021

E caka tale na vaqaqara ena nona vale. E kau me lai vakatarogi. E vakatabui me gole ena so na vanua
Okotova 27, 2021

Beitaki ni vakaitavi tiko ena soqosoqo e sa vakatabui
Seviteba 7, 2022

Tekivu na veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU