Ena ika6 ina ika9 ni Okotova 2025, e rua na cagilaba kaukaua e ravuta na veivanua e Mexico e Loma. E tau bi na uca qai vakavuna na waluvu kei na sisi ni qele ena yasayasa qo. Kena ivakaraitaki, e Veracruz, e toso cake na iyala ni wai ina sivia na 3.5 na mita ena Cazones River, qai luvu na veivanua volekata na siti o Poza Rica. Era vakacacani qai vakarusai kina e udolu na vale, koronivuli, valenibula, kei na vanua ni caka bisinisi. E vica vata na udolu na lewenivanua e boko nodra livaliva, talevoni kei na so tale na ka. E ripotetaki ni rauta ni le 75 era yali tiko, e rauta ni le 66 era takali.

Kedra iTuvaki na Tacida

• Ka ni rarawa ni takali e dua na tacida yalewa e yabaki 65 ena waluvu

• Yali tiko e 16 na dautukutuku

• Tokitaki e 531 na dautukutuku

• Vakarusai e 4 na vale

• Vakacacani vakalevu e 100 na vale

• Vakacacani vakalailai e 146 na vale

• Vakacacani vakalevu e dua na Vale ni Soqoni

• Vakacacani vakalailai e lima na Vale ni Soqoni

Cakacaka ni Vakacoko

• Era veivakayaloqaqataki na ivakatawa ni tabacakacaka kei na qase ni ivavakoso vei ira na tacida e tarai ira na waluvu. Era raica tale ga me vakarautaki na ka ni veivuke era gadreva

• E lesi e dua na Komiti ni Vakacoko me tuvanaka na veivuke

Eda rarawataka nona takali na tacida yalewa kei na so tale, ia eda vakanamata tu ena kena vakayacori na vosa ni yalayala ni Kalou ni da na vakila kina na ‘vakacegu nida sega ni rerevaka na ka ca.’​—Vosa Vakaibalebale 1:33.