Ena Seviteba 2023, e yaco e rua na cagilaba kaukaua qai vakavuna na tau bi ni uca e Kirisi e Loma. Na imatai ni cagilaba o Daniel, e vakacaca ena ika4 ina ika7 ni Seviteba 2023, qai waluvu kina na vanua qori.

Ena ika ika26 ina ika28 ni Seviteba 2023, e vakacaca na ikarua ni cagilaba o Elias, e waluvu tale kina na veivanua qori. Ena dua mada ga na siti, dua na ka na tau bi ni uca ena loma ga ni va na aua. E laurai ena vica na ripote ni vakacacani vakalevu na vanua ni bisinisi, na vale, kei na gaunisala ena yasayasa qori. Era tokitaki e sivia ni le 4,500, ra qai mate e le 17.

Kedra iTuvaki na Tacida

• Sega ni dua na tacida e mate

• Mavoa e dua na tacida yalewa itabaqase

• Tokitaki e le 270 na dautukutuku

• Vakacacani e 11 na vale

• Vakacacani vakalevu e 47 na vale

• Vakacacani vakalailai e 51 na vale

• Vakacacani vakalevu e 2 na Vale ni Soqoni

• Vakacacani vakalailai e 6 na Vale ni Soqoni

Cakacaka ni Vakacoko

• Era sa veivakayaloqaqataki na ivakatawa ni tabacakacaka, kei na qase ni ivavakoso vei ira na vakaleqai, era vakarautaka tale ga na veika era gadreva

• Tuvanaki e 2 na Komiti ni Vakacoko me raica na cakacaka ni vakacoko

Meda masulaki ira na vakaleqai ena waluvu qo. Eda rai vakanamata tale ga ena gauna na vakaotia kina vakadua na leqa tubukoso kece o Jiova e ‘dabe tiko ena dela ni wai ni waluvu.’—Same 29:10.