Ena ika7 ni Okotova 2023, e yaco na veiraravui kei na itovo kaukaua e Isireli kei Kesa, e vakavuna mera tokitaki e vica vata na udolu na lewenivanua. E laurai ena vica na ripote nira sa mate e rauta ni le 4,200.

• Sega ni dua e mate se mavoa

• Era tokitaki e le 93 na dautukutuku

• Vakacacani vakalailai e 3 na vale

• Sega ni vakarusai e dua na Vale ni Soqoni

• Era sa veivakayaloqaqataki na ivakatawa ni tabacakacaka kei ira na qase ni ivavakoso vei ira na vakaleqai. Era vakarautaka tale ga na veika era gadreva

• E tuvanaki e dua na Komiti ni Vakacoko me vukei ira na tacida

Era saga na tacida ena yasayasa qori mera dei ena nodra ituvatuva vakayalo, ya nira soqoni tiko ga ena zoom. E kaya e dua na ivakatawa ni tabacakacaka: “Eda sega ni kila na veika eda sotava nimataka. Ia e veiuqeti nida raica na dei ni nodra vakabauta na tacida, kei na nodra vakuai ira ena vukudra eso tale na mataveitacini.”

Eda rai vakanamata ena gauna me vakayacori kina na ka e yalataka na iVolatabu, ya ‘ni na sega tale na ivalu e vuravura taucoko.’—Same 46:9.