Tekivu ena ika17 ni Janueri 2026, e kama e levu na vanua ina ceva e loma kei Chile ena yasayasa vakaBiobío kei Ñuble. Qo e dua vei ira na kama levu duadua ni vakatauvatani kei na kama e yaco ena loma ni lima na yabaki sa oti. E vakarusai e vica vata na drau na vale. Eso na vanua e se kama tiko ga ena gauna qo, so tale na vanua e dredre mera lako kina na tabana ni veivuke. E ripotetaki ni kama e sivia ni 98,842 na eka. Ka ni rarawa nira takali e 20 na lewenivanua.

Qo na iwiliwili e tauri mai ena vanua e vakacacani.

Kedra iTuvaki na Tacida

• Sega ni dua na tacida e mate se mavoa

• Tokitaki e 199 na dautukutuku

• Vakarusai e 22 na vale

• Sega ni vakarusai se vakacacani e dua na Vale ni Soqoni

Cakacaka ni Vakacoko

• Era veivakayaloqaqataki na ivakatawa ni tabacakacaka, na qase ni ivavakoso kei na dua na lewe ni Komiti ni Tabana, qai vakarautaki tale ga na ka ni veivuke era gadreva na mataveitacini e tarai ira na kama

• Era marau na tacida ena vanua e sega ni vakacacani, mera vakaicilitaki ira na mataveitacini e tarai ira na leqa tubukoso qo

• Sa tuvanaki na Komiti ni Vakacoko me raica nodra vukei na tacida

Eda rarawataka dina na vakacaca e mai vakavuna na leqa tubukoso qo. Eda masuti Jiova me solia tiko ga vei ira na tacida e Chile na “vosota kei na vakacegu.”​—Roma 15:5.