Eke N̄kparawa Owo

Ẹnam Owo Akpamfia Asana!

Item: Tie ke ebiet oro uyom mîdụhe. Kot mme itie N̄wed Abasi emi nyụn̄ nam se ẹdọhọde anam mi. Nam nte omokụt se ẹbụkde ke itie N̄wed Abasi oro ye nte ke afo do ye mmọ. Nam nte omokop se ẹtịn̄de. Kere nte se iketịbede ẹketụkde mme owo emi ke idem. Yak itien̄wed emi enen̄ede otụk fi.

Mme akpan owo ke mbụk emi: Naaman, Elisha, ye ekpri eyenan̄wan Israel oro owo mîsiakke enyịn̄

Ibio ibio mbụk: Ẹkọk Naaman, akwa owoekọn̄ Syria idiọk udọn̄ọ ke ekpri eyenan̄wan Israel ama ọkọdọhọ enye aka okokụt Elisha.

1 TIE KERE SE IKETỊBEDE.—KOT 2 NDIDEM 5:1-19.

Sia ẹkemende ekpri eyenan̄wan Israel oro ẹkpọn̄ ubon mmọ oro ẹkebakde Abasi, afo ekere ke eketie enye didie ke idem?

․․․․․

Afo ekere ke n̄kpọ oro akabiak Naaman didie—kpa akwa owoekọn̄ emi ọdọn̄ọde udọn̄ọ emi ama ọkọbọ enye odudu?

․․․․․

Afo ekere ke nneme oro Naaman ye ikọt esie ẹkenemede ke ufan̄ikọ 11 esịm 13 owụt ke eketie mmọ didie ke idem?

․․․․․

Ọtọn̄ọde ke ufan̄ikọ 15, nso ke afo okụt emi owụtde ke Naaman ama okpụhọde ekikere?

․․․․․

2 NEN̄EDE TIE KERE.

Nso ye nso ikanam Naaman atan̄ idem? (Fiak kot ufan̄ikọ 1.)

․․․․․

Da mme n̄kpọ unam ndụn̄ọde oro enyenede yom ntọt oro aban̄ade akpamfia ke eyo Bible. * (Ke uwụtn̄kpọ, udọn̄ọ emi ọkọdiọk adan̄a didie? Ndi enye ama esibe owo? Ẹkesikọk enye didie?)

․․․․․

Afo ekere ke eketie ekpri eyenan̄wan Israel oro didie ke idem ke ẹma ẹkekọk Naaman udọn̄ọ?

․․․․․

Didie ke se Elisha ọkọbọrọde okodomo Naaman? (Se ufan̄ikọ 10.)

․․․․․

3 DA SE EKPEPDE SỊN KE EDINAM. WET SE EKPEPDE ABAN̄A . . .

Afanikọn̄ oro asan̄ade ye ntan̄idem.

․․․․․

Nte ekemede nditịn̄ uko uko mban̄a se enịmde.

․․․․․

Odudu oro Jehovah enyenede ndikọk udọn̄ọ.

․․․․․

4 NSO KE AFO ENEN̄EDE AMA KE MBỤK EMI, NDIEN NTAK-A?

․․․․․

EDIEKE OYOMDE NDIFIỌK N̄KPỌ EN̄WEN MBAN̄A BIBLE, DỌHỌ MME NTIENSE JEHOVAH ẸNỌ FI IDEM KIET, MÎDỊGHE KOT KE IKPEHE INTANET EMI www.watchtower.org YE www.jw.org

[Ikọ Idakisọn̄]