Nahume 2:1-13
2 Yoze makumwanga hakanduka kuli yena.*
Fungenu yipanga yenu ya kukolesa.
Talenu-talenu matapalo jenu.
Liluliekenu, kungenu tachi jenu jeswe.
2 Mumu Yehova makahilwisa uhenya wa Yakomba,Makahilwisa nawa uhenya wa Izalele,Mumu hanaanongesa kuli akwa-kunongesa,Ni kupihisa mitango yo yaha.
3 Kepwe ja yitakame jenyi jili ja kukwita ulombo uchila,Tujita twenyi kanazala mazalo achila nge.
Ha tangwa lize akulilulieka hanga ase jitaYihanda ya utale ya matemba jenyi a jita yakutemuka ngwe kahia,Kanasungu kepwe jo ja juniperu hanga akolese woma.
4 Matemba a jita kanazomboka chinji mu matapalo.
Kanazomboka ku tunda ni ku mwanda ha lwaza.
Kanatemuka ngwe masoka a kahia ni kupejima ngwe mihenyo.
5 Iye makasanyika tupitau twenyi.
Ayo makaya kulutwe ni kutalinga.
Makazomboka ndo ku yipanga ya mbonge,Makakolesa yipanga.
6 Makazulula yikolo ya ngiji,Makapuzula* zuwo lia mwanangana.
7 Hanapatula ngwo: Iye* hanamusolola hatoma,Makaya nenyi, ngamba jenyi a mapwo makalila,Makatwa mikuma ngwe membe ni kulilamba ha pambo ni chinyengo.*
8 Chize ku mashimbu a kunyima, Ninive yapwile ngwe chitende cha meya,Alioze haliapwila ayo kanachina,
“Akatala manenu! Manenu!”
Nihindu niumwe kasolo kuhiluka.
9 Tambulenu prata, tambulenu oru!
Mumu upite kuushi kuhwa.
Mu mbonge munazala too ni yuma yeka ni yeka ya ndando.
10 Mbonge hiyasala yamokomoko, hiyapwa ya hululu, hayenyeka!
Mbunge jinasangunuka ni woma, makungunwa hakwachika mupekepeke, molu kanachikima,Atu eswe woma anevu.
11 Uswamino wa ndumba kulihi uli? Chihela chize ana ja ndumba akulila,Kuze ndumba akwendela ni ana jenyi,Kuze kukushi niumwe yoze mahasa kwakolesa woma.
12 Ndumba kapwile ni kushiha tushitu akumbana hanga ana jenyi alie,Te kakushihila nawa yihwo jenyi tushitu.
Te kakuzalisa mena jenyi ni kulia,Uswamino wenyi te unazale ni tushitu waze ashihile.
13 Yehova wa tujita kanambe ngwenyi: “Tala! Ngunalimiki ni yena.”“Mungwocha matemba je a jita, malumuka mwishi.Ana ja ndumba je makafwa ku katana.
Tushitu eswe waze nwakulia mungukaanongesa hashiKunuchi keva nawa liji lia mikeji jenu.”
