KWI 108
Nkôni Nsi ke ndù
-
1. Yaweh Nsi! Nsi nkôni.
Be tshwèt njuʼ bwôntù zebe Nsi.
Yi zʼa tshùade njam nkwi Mén i
Mbé ju tshuʼ neyôg njù sagkuà,
A fà nywinde be neghù yôg,
Yôg matmat ntùm taʼ njù ke bwôg.
(DÙʼ NEBWÔGDE)
Bin tse ntù tsin kù là fa,
Bin seʼ nu ntse yôg bànbàn.
Bin tse ntù tsin kù, seʼ nu;
Njen nkôni Nsi ze ndùb.
-
2. Yaweh Nsi! Nsi nkôni.
Mfaʼ mi fa laʼde nkôni mi.
Nkôni Yaweh Nsi laʼde ben,
Mbʼa te Yésu num diañfen se.
Nkaʼni Nsi ben yà dunde fa.
Tshù! Ze Nufen yà be nzendà!
(DÙʼ NEBWÔGDE)
Bin tse ntù tsin kù là fa,
Bin seʼ nu ntse yôg bànbàn.
Bin tse ntù tsin kù, seʼ nu;
Njen nkôni Nsi ze ndùb.
-
3. Yaweh Nsi! Nsi nkôni.
Ywèt tènde ben neghù nkôni.
Mba bʼaʼ ywimde ba fà wut nsi,
Neziʼde mbèn nze ba ntshùʼ Nsi.
Be tshwèt mfaʼ à ntùm nebwôg Nsi,
Mfiag wut nsoñ mbwô nkùn Nufen Nsi.
(DÙʼ NEBWÔGDE)
Bin tse ntù tsin kù là fa,
Bin seʼ nu ntse yôg bànbàn.
Bin tse ntù tsin kù, seʼ nu;
Njen nkôni Nsi ze ndùb.
(Mbèn ndôde Yobk. 33:5; 57:10; Ef. 1:7.)
