Kele vôm ô ne lañe de

Kele sous-menu

Bengaa be Yéhôva

Bulu

E si nyi ése, bi ne lañe Bengaa be Yéhôva bambé?

E si nyi ése, bi ne lañe Bengaa be Yéhôva bambé?

Ésaé é nga bobane mbu * 2017

Tañe Bengaa be Yéhôva ya si ése

8 457 107

Mekônda

120 053

Mesi Bengaa be Yéhôva ba kañete

240

Mia bo aya asu na mi lañ abime bôte mi né?

Môt ase a kañete mbamba foé y’Éjôé Zambe ngon ése nnye bia lañ. (Matthieu 24:14) Nalé a tinane na bia lañe ba be dubaneya, a bekañete mbamba foé be ngenane te duban.

Ye môt a yiane ve moné nge a kombô bo Ngaa Yéhôva?

Momo. Moné a nji bo jame da bo na, môt a bo Ngaa Yéhôva, nge ke na a be’e mimbe’e miziñ ékoane jangan. (Mam Minlôman 8:18-20) Jam e ne na, abui bôte da bo mimveane teke ve éyôlé jap. Ngaa Yéhôva ase a ve éyoñe jé, ngule jé, a biôme bi mo bié, abim a ne ngule ya ve, asu na a su’u ésaé ja bobane si ése.2 Becorinthien 9:7.

Mia bo aya asu na mi yem abime bôt e nga bo mban ésaé nkañete?

Ngon ése, Bengaa be Yéhôva ya mekônda mese ba suu abime mewolo ba lôt ésaé nkañete. Ba bo de a nlem ôse.

Bemvendé ya mekônda ba mane tôkane mewolo mete mese, éyoñe te nje ba lôme me e wofise Bengaa be Yéhôva ya si be too. Wofise fe wo mane tôkane mewolo ma so mekônda ya mesi wo tebele, éyoñe te nje, wo lôme me e wofise ya Amerka wo tebele ésaé ya si ése.

Amane mbu ésaé * ôse, bia kui na bi yem abim Bengaa be Yéhôva ya mesi mese é nga kañete ngumba mbu. Éyoñe ba mane tôkane mame mete mese, bia kui na bi yem abime bekañete é ne si ése. Kalate ba loene nkobô fulasi na Annuaire a kate ésaé nkañete ja te bobane mesi mese; a kate fe mbamba be mam bobejañ be nga bi ésaé nkañete. Mame mete ma ve bia ngule nyul, fo’o ve ane mbamba minlañ mi nga ve Bekristene ya ntete mimbu ôsu ngule nyul.Mam Minlôman 2:41; 4:4; 15:3.

Ye mia lañe fe bôte be nji kañete, ve be ne nsamba wônan?

Akusa bo na, bi nji lañe bôte bete ane Bengaa, bia nyoñe be mekônda mangan a meva’a mese. Abui ya été da tabe Mesimesa’ane ya awu Yésus; bi ne yene nsela’ane a ne zañe tañe bôte ba tabe Mesimesa’ane a bekañete. Mbu 2017, bôte 20 175 477 be nga tabe Mesimesa’ane ya awu Yésus.

Abui bôte be nji tabe bisulan a bia, ba yé’é Kalate a bia e zezé. Mbu 2017, bi nga yé’é ngon ése a bôte bebé 10 071 524. Biyoñe biziñ bi nga yé’é a nsamba bôt éyoñe jia.

Éyoñe ngovina a lañ abime Bengaa mi né, amu jé tañe jé é ne anen a dañ abime miabebiene mia ve?

Éyoñe ngovina a lañe bôt, a sili môt ase na, ‘ô ne ñyebe ôvé’, nge môt a jô na a ne Ngaa Yéhôva, ngovina é lañe nye ane Ngaa. Bi tame nyoñ éve’an: e si ya Amerka, wofise wo fase tañe bôt ô nga jô na, nsôñane wé ô ne na “ô yeme tañe bôte ja simesane na é ne ñyebe si, ñyebe ka,” ô nga ke ôsu a jô na fatane nlañane bôt éte “ja volô ke na metañ me bo zôsôô.” Ve bia Bengaa be Yéhôva, bia lañe na môt éziñ a ne a bia, vengevenge ve nge a nga kañete mbamba foé, a suu ke abime mewolo a lôt ésaé nkañete, sa ke ve ba ba jô anyu na be ne Bengaa.

^ É.N. 2 Mbu ésaé Bengaa be Yéhôva wo taté Ngon ébulu, akekui Ngon mwome ya mbu ôvok. Mbu ésaé Bengaa be Yéhôva ya mbu 2015 ô nga taté atata’a ya ngon ébulu ya 2014, ô nga mane e memane ya ngone mwome ya mbu 2015.

^ É.N. 16 Mbu ésaé Bengaa be Yéhôva wo taté Ngon ébulu, akekui Ngon mwome ya mbu ôvok. Mbu ésaé Bengaa be Yéhôva ya mbu 2015 ô nga taté atata’a ya ngon ébulu ya 2014, ô nga mane e memane ya ngone mwome ya mbu 2015.