Kele vôm ô ne lañe de

Kele sous-menu

Bengaa be Yéhôva

Bulu

Amu jé Bengaa be Yéhôva ba bene nyoñe metyi?

Amu jé Bengaa be Yéhôva ba bene nyoñe metyi?

Bivuse bi mam bôte b’ajô

Mame bôte b’ajô: Bengaa be Yéhôva be nji buni na dokita a ne volô be, ajô te nde be ne te ke nda biañ.

Nya ajô a ne na: Bia jeñe vôme biabebien a nda bôte jangan bi ne saéban abeñ. Éyoñ bia kon, bia jeñe avale bedokita é ne saé, nge sale bia te ke belane metyi. Bia yene nleme mvaé amu menda me biañe a bedokita be ntoo ngule ya saé akone be nga too te yeme biañ mimbu ya mvus. Melu ma, abui menda me biañ é nga saé bôte te ke belane metyi. Nalé a ne beta mvolan asu Bengaa be Yéhôva, a bôte bevo’o bese. Den, nkôkon ôse ô ne ngule ya tobe na wo bene nyoñe metyi; amu abui akone da kôébane a zeneya metyi, amu nyôle é ne bene metyi nalé a nga kô’ôlane mintaé, a amu bedokita bebien be ne kob.

Mam bôte b’ajô: Bengaa be Yéhôva ba jô na mbunan ô ne bo na môt a yet.

Nya ajô a ne na: Bi nji saé bôt a zene ya mesimba.

Mame bôte b’ajô: E saleban teke nyoñe metyi a sili abui moné.

Nya ajô a ne na: Nyoñan metyi ñwô vo sili abui Moné. *

Mame bôte b’ajô: Bengaa be Yéhôva, a bone bap ba wu mbu ôse amu ba bene nyoñe metyi.

Nya ajô a ne na: Jam bôte bete b’ajô é ne minsos. Bedokita b’éziñe be wô’ô sale nlem, a bives. Be ne fe ngule ya tyendé ébu’a nyôle é ndamaneya a ji é ngenane mvo’é. B’abo mame mete mese te ke belane metyi. * Minkôkon mi nji nyoñe metyi mi ayete avôl a dañe mi b’ate ve metyi. Minkeñelé mi bon, a bongo be nji ve metyi fe b’ayete tyi’ibi. * Nya ajôô a ne na, môte éziñ ase ngule ya jô na nkôkon wo zu wu nge nyiñe amu wo te ben nge kañese metyi.

Amu jé Bengaa be Yéhôva bene ñhe nyoñe metyi?

Ajô mbenane nyoñe metyi é tii a ñyebe, sake ve a njeñane mvo’é. Kalate Zambe, Nnôm ba Mfefé élat, a jô na bi sa’ale metyi. (Metata’a 9:4; Lévitique 17:10; Deutéronome 12:23; Mam minlôman 15:28, 29) Zambe émien fe a yene metyi na me ne ényiñ. (Lévitique 17:14) Nde bia bene nyoñe metyi amu na bia bo Zambe mewôk, a na bia semene avale nyô a nga té bia a yene ényiñ.

Be nga tyéndé asimesane dap

Be ne bo nsalebane ô ne angôndô ya ayaé be teke futi môt metyi nyôle

Mimbu ya mvus, bedokita be mbe be jô’ô na e saé môt te ke belane metyi a ne angôndô ya abé, a na a funane ane môt a kômbô wôé émien. Den, ôsimesane te ô tyendéya. Bitame nyoñe éve’an: Mbu 2004, kalate mefoé éziñ a nga jô na: “mezene bia belane me asu na bi saé Bengaa, m’aye volô na bi saé avale nkôkone ôse wo ye zu saébane be bia mimbu mi azu.” * Mbu 2010, kalate mefoé ba loene na Heart, Lung and Circulation a nga jô na “‘Nsalane bôte te ke belane metyi’ ô ne mvo’é sa ve asu Bengaa be Yéhôva étam. Besale bôte bese ba yiane belane wô, asu nkôkôn ôse wo yiane salebane.”

Si se, betoyini bedokita ba jeñ a mezene mese na, môt a bo te dañe jañelé metyi éyoñe a saleban. Nalé a volô na, be bo minsalebane mi ne angôndô ya ayaé be teke belane metyi. Mesi mene azoé fe me ne saé bôte te ke metyi. To’o minkôkône mi nji bo Bengaa be Yéhôva b’ajô bedokita na be belane avale mezene te.

^ É.N. 8 Lañe kalate a ne nlô ajô na Transfusion and Apheresis Science, Volume 33, No. 3, afebe 349.

^ É.N. 10 Lañe The Journal of Thoracic and Cardiovascular Surgery, Volume 134, No. 2, pp. 287-288; Texas Heart Institute Journal, Volume 38, No. 5, p. 563; Basics of Blood Management, p. 2; and Continuing Education in Anaesthesia, Critical Care & Pain, Volume 4, No. 2, p. 39.

^ É.N. 10 Lañe The Journal of Thoracic and Cardiovascular Surgery, Volume 89, No. 6, p. 918; and Heart, Lung and Circulation, Volume 19, p. 658.

^ É.N. 14 Continuing Education in Anaesthesia, Critical Care & Pain, Volume 4, No. 2, page 39.