Kele vôm ô ne lañe de

Kele sous-menu

Bengaa be Yéhôva

Bulu

Ye Bengaa be Yéhôva ba sabane fo’o?

Ye Bengaa be Yéhôva ba sabane fo’o?

Ôwé, Bengaa be Yéhôva b’ake nda biañe na be faseban a saéban. Bia sa’ale akon, ve da kui biyoñ abui na bia fe bi “yi dokita”. (Lukas 5:31, Kalate Zambe mfefé nkôñelan) Nya ajôô a ne na, aval ane Luc ya ntete mimbu ôsusua a mbe dokita, Bengaa be Yéhôva béziñ be ne bedokita. (Kôlôs 4:14, Kalate Zambe mfefé nkôñelan).

Ve jam da, bi wô’ô bene kane nsabane ése ja wosane a minye’elane ya Kalate Zambe. Bitame nyoñ évé’an: Bi nji kañese nyoñane metyi. Kalate Zambe a tyili nyoñane metyi na bi vôñôlô minsône miangan. (Mam minlôman 15:20) A jô afe é ne na, bia sa’ale kane nsaéban ôse é tii a ngbwel, nge bemvi’i.—Begalate 5:19-21.

Sake kane nsaébane ése nje Kalate Zambe a tyili. Mone Bengaa ase a yiane tobe kane nsaéban émien a ye’e. Ngaa nyi a ne kañese kane nsaébane nyi, nyi mbo’o ke a ne bene je.—Begalate 6:5.