MUN NA O NAFA KA BON: A ma nɔgɔn fiyentɔ caman ma ka kuma ni mɔgɔw ye u tɛ minnu dɔn. O de la, an ka kan ka an seko kɛ walasa ka seereya di o mɔgɔ suguw ma. Jehova b’a mago don fiyentɔw la ni kanuya ye. (Levitike 19:14) An bɛ se k’a ka misali ladege an kɛtɔ k’a bɔ an yɛrɛ la ka fiyentɔw dɛmɛ alako ta fan fɛ.

AN BƐ SE KA O KƐ COGO MIN NA:

• An ka fiyentɔw “ɲini”. (Matiyu 10:11) Yala i bɛ mɔgɔ dɔ dɔn min somɔgɔ dɔ ye fiyentɔ ye wa? Yala lakɔlisow, dɔgɔtɔrɔsow walima baarakɛyɔrɔ wɛrɛw bɛ aw ka waajulikɛyɔrɔ la, a bɛ diya minnu ye ka gafew sɔrɔ minnu labɛnna fiyentɔw kama wa?

• An k’a jira u la ko an bɛ u fɛ. Ni i bɛ kuma u fɛ teriya sira la ani k’a jira u la ko i bɛ i mago don u la, o bɛ fiyentɔw dɛmɛ a ka nɔgɔnya u ma ka kuma i fɛ. A ɲini ka baro daminɛ i kɛtɔ ka kuma sigida ko dɔ kan

• An ka u dɛmɛ alako ta fan fɛ. Fiyentɔw walima mɔgɔ minnu tɛ yeli kɛ ka ɲɛ, walasa ka olu dɛmɛ, Jehova ka jɛkuluba ye sɛbɛnw labɛn kɛcogo caman na. U b’a fɛ ka kalan kɛ cogo min na, u bɛɛ kelen kelen ɲininka o la. Baara lakɔlɔsibaga ka kan k’a janto a la ko fiyentɔw b’a fɛ ka sɛbɛnw sɔrɔ kɛcogo minnu na, ko balimakɛ min bɛ sɛbɛnw koɲɛw kunna, ko o ye olu ɲininisɛbɛn lafa ka ɲɛ