IRUẸMWI 15
Ẹmwẹ Na Si Agbada Vbe Unu Ta
1 Tẹsalonaika 1:5
UHUNMWU ẸMWẸ: Rhiẹre ma wẹẹ ẹmwẹ ne u ta keghi re nọ ru ekpataki kevbe wẹẹ ẹmwata ẹre nọ.
VBENE A YA RU ẸRE HẸ:
-
Muegbe ọta ruẹ ẹsẹsẹmwẹse. Ọ khẹke ne u sẹtin rhie uhunmwu ẹmwẹ ni rrọọ ladian, u ghi vbe rẹn vbene Evbagbẹn Nọhuanrẹn na sunu yi, ya yẹrike hẹ ighẹ avbe uhunmwu ẹmwẹ nii. Loo ifiẹmwẹ ne ẹi lọghọ na rẹn otọre ya niania avbe uhunmwu ẹmwẹ na. Rhie aro tua vbene avbe uhunmwu ẹmwẹ na khian ya ru iyobọ ne emwa ne u khian gu guan. Nọ iyobọ ọghe orhiọn nọhuanrẹn vbe erhunmwu.
-
Loo ẹmwẹ nọ gha rhiẹre ma wẹẹ u ya ẹmwẹ ne u ta yi. Loo ẹmwẹ ọghe obọ ruẹ, ẹi re ne u wa gha tae zẹvbe nọ wa rre ebe. Ọ khẹke ne u gha guan vbe odẹ nọ rhiẹre ma wẹẹ u ya ẹmwẹ ne u ta yi.
-
Gha si agbada vbe unu guan, ne u ya rhiẹre ma wẹẹ u rẹn ẹmwẹ ne u ta. Tọn urhu mu vbe u ghaa guan. Gi aro ruẹ gha dekaan aro ọghe emwa ne u gu guan deghẹ ọna ma de emwi nọ rhia vbe ẹvbo ne u ye.
