Vbene A Ya Loo Wẹbsait Ọghomwa Kevbe Emadogua Ọvbehe Ne Ima Mwẹ

Vbene A Ya Loo E JW.ORG

Gualọ iyobọ ọghe vbene a ya loo emwi ni rre jw.org. Loo ayahọmwaehọ nọ rre ako ne a na maa ọmwa vbene a ya loo nene wẹbsait hẹ kevbe azẹvbiro eso ne u gha sẹtin lele, vbe u ghaa loo e wẹbsait na, vbe u ghaa gualọ emwi vbọ kevbe vbe u gha khian danlod emwi vbọ. Gualọ ewanniẹn na rhie ye ọta ne emwa nọ vbekpae jw.org.

JW Broadcasting

Gualọ iyobọ ọghe vbene a ya loo wẹbsait ne a na ghee TV vbe intanẹt ne Avbe Osẹe Jehova ru ladian na tiẹre, tv.jw.org. Ruẹ vbene a ya loo ako ughughan ni rre wẹbsait na, vbe na ghee streaming, e vidio nu gualọ kevbe ako ọvbehe ni rrọọ.

JW Library

Gha loo New World Translation vbe u ghaa tie Baibol ne egbuẹ. U sẹtin ghee vbene Baibol ọvbehe ya zedu ako eso vbe Evbagbẹn Nọhuanrẹn.

Watchtower Library

E Baibol ughughan, ebe kevbe emadogua ughughan na ya ru ezanzan vbe a ghaa ruẹ e Baibol ne egbe ọmwa.

JW Language

Emadogua keghi ru iyobọ ne emwa ya sẹtin gha ya urhuẹvbo ughughan kporhu. Usun emwi ni rre uwu ẹre ọre avbe flash card, errẹkọd ọghe ọmwa nọ gua zẹ urhuẹvbo na hoo na ruẹ, ikpẹmwẹ na loo ya gbẹn emwi vbe urhuẹvbo ọghe Ebo, kevbe emwi nibun ọvbehe.