Ugie Ayere Ọghe Uwu E Jesu
Thursday, April 2, 2026
Uhukpa vbe ukpukpo, ẹre Avbe Osẹe Jehova ya ye uwu ọghe Jesu rre, zẹ vbene Jesu wẹẹ ne ima gha ru ẹre. Jesu khare wẹẹ: “Wa gha ru ọna ya ye mwẹ rre.”—Luk 22:19.
Ma gie na tie ruẹ kevbe ẹgbẹe ruẹ gha die ugie na.
Avbe Ọta Ne Emwa Mobọ Nọ
De ọmwa nọ gha sẹtin rrie ugie na?
Emwa hia gha sẹtin rre. U sẹtin tama avbe ọse ruẹ kevbe ẹgbẹe ruẹ.
De vbene ọ khian kpẹẹ sẹ hẹ vbe otọ?
Odẹ ughaẹdẹ ọkpa ẹre ọ khian ya vbe otọ.
De eke ne uwa khian na do ugie na?
Nọ Avbe Osẹe Jehova ne iran tama ruẹ ehe nọ sikẹ ruẹ na khian na do ugie na.
Te a khian ka hae igho a ke sẹtin yo ugie na ra?
Ẹo.
A gha nọ ọmwa igho vbe ugie na ra?
Ẹo. Avbe Osẹe Jehova i nọ emwa igho vbe iko ne iran do.—Matiu 10:8.
Odẹ rrọọ nọ khẹke na ya mu egbe ra?
Ẹo. Sokpan ma ne Avbe Osẹe Jehova wa hia ne ima gha mu egbe ẹse, zẹ vbene Baibol wẹẹ ne ima gha ru ẹre.
De emwi eso na khian ru vbe Ugie Ayere na?
Vbene a te suẹn, a ghi so ihuan, ọkpa vbe Avbe Osẹe Jehova ghi vbe na erhunmwu. A gha khian ghi vbe zobọ, a vbe ru vberriọ. Abọ nọ ghi ru ekpataki sẹ vbe Ugie Ayere na, ọre ọta na khian danmwehọ ẹre, nọ gha guan kaẹn vbene uwu ọghe Jesu ru ekpataki sẹ hẹ, kevbe afiangbe ne ima khian miẹn rhunmwuda emwi ne Osanobua kevbe Kristi he ru ne ima.
U ghaa hoo ne u rẹn sayọ, ya tie uhunmwuta na nọ khare wẹẹ, “Why Do Jehovah’s Witnesses Observe the Lord’s Supper Differently From the Way Other Religions Do?”
De ẹghẹ na khian ya do Ugie Ayere vbe odaro?
2026: Thursday, April 2
2027: Monday, March 22
You May Also Like
UGIE AYERE
Yee Uwu Ọghe Jesu Rre
Ma ya ọghọghọ gie na tie ruẹ ne u do deba ima do ugie ne kpataki na. Vbe ọta na khian ya guan, u gha do ruẹ vbene u khian ya miẹn ere hẹ vbe arrọọ kevbe uwu ọghe Jesu.
ESSENTIAL BIBLE TEACHINGS
Vbọzẹe Ne Jesu Na Wu?
E Baibol gi ima rẹn wẹẹ, uwu ọghe Jesu wa gele ru ekpataki. Uwu ọghẹe mwẹ esa nọ ye ra?
NỌ DEKAAN IMA
Gha Die Iko Ọghe Avbe Osẹe Jehova
Ayahọmwaehọ ni dekaan iko ughughan ne ima do. Gualọ ehe ne ima na do iko nọ sikẹ ruẹ.