Gberra gha rhie uhunta

“WA GHA SỌYẸNMWẸ VBE ẸGHẸ HIA”!

Asikoko Nọkhua Ọghe Avbe Osẹe Jehova Ọghe 2020

Ma rhie igiọdu nuẹ, ne u ghee vidio ọghe asikoko nọkhua ọghe ikpẹdẹ eha ne Avbe Osẹe Jehova khian do vbe ukpo na. Rhunmwuda emianmwẹ na ne a tiẹre coronavirus (COVID-19), e jw.org ẹre a khian na ghee asikoko nọkhua ọghe ukpo na. Te ima khian gha mu edọmwadẹ abọ ọghe asikoko na ye jw.org kherhekhe vbe uki e July kevbe August.

EMWAMWA NE KPATAKI NI RRỌỌ

  • Ẹdẹ Fraide: U gha miẹn vbene avbe ọdọ, amwẹ, evbibiẹ emọ kevbe emọ khian ya gha sọyẹnmwẹ hẹ, kevbe emwi ne iran gha ru ne emwa hia vbuwe ẹgbẹe mieke na gha sọyẹnmwẹ. U gha vbe bẹghe ẹre wẹẹ, Osanobua hoo ne ima gha ghọghọ, ọni ẹre ọ zẹe nọ na yi ima ne ima sẹtin gha sọyẹnmwẹ emwi hia ne irẹn yi.

  • Ẹdẹ Satọde: Vbọzẹe ne Avbe Osẹe Jehova na kporhu vbe ehe hia vbe uhunmwu otagbọn na? Avbe ọta ne u khian danmwehọ re, e vidio na khian kpee kevbe inọta na khian nọ emwa re gha ya ruẹ rẹn emwi ne Baibol tae, nọ si ẹre ne Avbe Osẹe Jehova na kporhu.

  • Ẹdẹ Sọnde: E Baibol khare wẹẹ, afiangbe ọghe Osanobua ẹre ọ ya ọmwa fe, ọlọghọmwa rhọkpa i vbe lelẹe khian. (Itan 10:22) U gha danmwehọ ọta nọ hẹnhẹn egbe yan e Baibol, nọ mwẹ uhunmwuta nọ khare wẹẹ “De Vbene Ọmwa Khian Ya Fe Hẹ Vbene Ọlọghọmwa Rhọkpa I Na Lelẹe Khian?” Ọta na gha ya ruẹ rẹn evbọzẹe ne u gha na sẹtin mu ẹtin yan ẹmwẹ ne Baibol tae, vbekpa ẹfe ne ọlọghọmwa rhọkpa i lele khian.

  • Ikueta Ọghe Okha Nọ Rre Baibol: Ọ mwẹ okpia ọkpa ne okha ọghẹe rre Baibol na tiẹre Nehimaia. De ere ne u khian miẹn vbe udinmwẹ kevbe izọghae ne okpia na ghaa mwẹ? Vbe ẹdẹ Satọde kevbe Sọnde, u gha ghee ikueta ọghe okha nọ rre Baibol nọ mwẹ abọ eva. Uhunmwuta ọghe ikueta na ọre ‘Oghọghọ Ne Jehova Rhie Ne Uwa Gha Ya Uwa Wegbe.’Nehimaia 8:10.

AI YA IGHO LA OWA VBỌ

UI KHIAN LỌGIN, UI KHIAN VBE RẸGISTA

Ghee ebe emwamwa ọghe ugie na, u ghi vbe ghee vidio nọ dekaan avbe asikoko nọkhua ọghomwa.

Ghee Vidio Ọghe Asikoko Nọkhua