De Emwa Ni Ru Ahoo Ọghe Jehova Vbe Ẹdẹnẹrẹ?

Avbe Osẹe Jehova rre ehe hia vbe uhunmwu otagbọn na, ẹvbo ughughan ẹre iran ke rre, iran vbe zẹ urhuẹvbo ughughan. Vbọzẹe ne iran hia na mwẹ akugbe agharhemiẹn wẹẹ, agbẹnvbo ughughan ẹre iran ke rre?

Vbọre Ahoo Ọghe Osanobua?

Osanobua hoo ne emwa ni rre uhunmwu otagbọn hia rẹn vbekpae ahoo ọghe irẹn. Vbọre ahoo ọghe Osanobua kevbe de emwa ni yae wewe vbe ẹdẹnẹrẹ?

De Aro Emwa Ne Avbe Osẹe Jehova Khin?

Inu Osẹe Jehova uwẹ rẹnrẹn? De emwi ne uwẹ gele rẹn vbekpae ima?

Vbọzẹe Ne A Na Tie Ima Osẹe Jehova?

Ghee emwi eha nọ ya ima do gha khuẹnniẹn eni na.

De Vbene A Ya Werriegbe Do Rẹn Imamwaemwi Ẹmwata Ni Rre Baibol Hẹ?

Vbọ ya ima yayi wẹẹ, ma ẹre ọ gele mwẹ irẹnmwi nọ gbae ọghe Baibol vbe ẹdẹnẹrẹ?

Vbọzẹe Ne Ima Na Zedu E Baibol Na Tiẹre New World Translation?

Vbọzẹe ne New World Translation na lughaẹn ne Baibol nikẹre?

De Afiangbe Ne U Khian Miẹn Vbe U Gha Rrie Iko Ọghe Ima?

Ma keghi si egbe koko tie Baibol kugbe, ma vbe rhie igiọdu ne egbe. Ma gha wa gbọbokhian nuẹn!

De Afiangbe Ne Ima Miẹn Vbe Ima Ghaa Gu Etẹn Muobọ?

Ẹmwẹ Osanobua rhie igiọdu ne Ivbiotu e Kristi ne iran gha ya iko vbe ẹghẹ hia. U ghaa yo iko vbe ẹghẹ hia, u gha miẹn afiangbe nibun.

Vbe Ima Ya Do Iko Hẹ?

Uwẹ gele rẹn vbene ima ya do iko ọghe ima hẹ ra? U gha rrie iko ọghe ima, u gha wa miẹn emwi kpataki ruẹ vbe Baibol.

Vbọzẹe Ne Ima Na Muegbe Ẹse Yo Iko?

Aro egbe ne ima mu kaan e Jehova ra? Hia ne u rẹn avbe ilele ni rre Baibol ni dia vbene ima ya muegbe hẹ.

De Odẹ Nọ Ghi Maan Sẹ Ne Ima Khian Ya Gha Muegbe Iko Yotọ?

U gha muegbe iko yotọ, ẹre u khian na gele miẹn ere vbọ.

Vbọre Iruẹmwi Ẹgbẹe?

Emwamwa na gha ya ruẹ sikẹ Osanobua sayọ, ọ gha vbe ya ẹgbẹe ruẹ gha mwẹ akugbe.

Vbọzẹe Ne Ima Na Do Asikoko?

Asikoko eha ẹre ima do vbe ukpo. Vbua khian ya sẹtin miẹn ere vbe avbe asikoko na?

De Vbene A Ya Mwamwa Iwinna Ikporhu Iyẹn Nọ Maan Ọghomwa Hẹ?

Ukpowẹ ọghe Jesu ẹre ima lele vbe nọ dekaẹn iwinna ikporhu iyẹn nọ maan. De obẹlẹ eso ne Jesu loo ro?

Vbe A Ya Arọndẹ Kha?

Osẹe Jehova eso ya ughaẹdẹ 30 ra 50 kporhu vbe uki. ughaẹdẹ ne eso ya kporhu vbe bun sẹ ọna. Vbọ gua iran kpa?

De Owebe Ne Avbe Arọndẹ Yo?

De owebe ne etẹn ni rhiegbe ye iwinna ugamwẹ ọghe ẹghẹ hia yo?

De Vbene Ediọn Ya Gbaroghe Iko Hẹ?

Ikpia ni wẹro vbe odẹ ọghe orhiọn ẹre a zẹ ye ukpo ediọn vbe iko. Vbe iran ya ru iyobọ ne etẹn hẹ?

De Iwinna Ne Avbe Eguọmwadia Iwinna Ru Vbe Iko?

Iwinna esi ne eguọmwadia iwinna ru vbe iko keghi ya emwi khian hẹnẹhẹnẹ vbe iko. Hia ne u rẹn vbene etẹn hia vbe iko ya miẹn ere hẹ vbe iwinna ne iran ru.

De Vbene Avbe Ọgbaroghe Ọghe Otako Ya Ru Iyobọ Ne Ima Hẹ?

Vbọzẹe ne avbe ọgbaroghe ọghe otako na mu otuẹ yo iko ughughan? Vbua khian ya miẹn ere hẹ vbe otuẹ ne iran mu rre?

De Odẹ Ne Ima Ya Ru Iyobọ Ne Etẹn Ima Ni Rre Uwu Ibavbaro

Odekun ẹrhia gha sunu, ọwarọkpa nii, ẹre Avbe Osẹe Jehova ya ru emwamwa ne iran ya ru iyobọ ne etẹn ni rre evba. De odẹ eso ne iran ya ru iyobọ?

Gha Re Ọviẹn Nọ Gia Mu Ẹtin Yan Kevbe Nọ Fuẹro?

Jesu yan rẹn wẹẹ, irẹn gha hannọ emwa ni khian gha kpemehe evbare orhiọn. De odẹ ne ọviẹn na ya ru iwinna na?

De Iwinna Nọ Bi Ye Izabọ Ọghe Ẹbu Nọ Su Vbe Ẹdẹnẹrẹ?

Vbe orre nokaro, ẹbu ne kherhe ọghe avbe ukọ kevbe avbe ediọn ẹre ọ ghaa ga zẹvbe ẹbu nọ su vbe iko ọghe Ivbiotu e Kristi. Vbe ọ vbe ye hẹ vbe ẹdẹnẹrẹ?

Vbọre Bẹtẹl?

Bẹtẹl keghi re ehe ne a na ru iyobọ ye iwinna ikporhu iyẹn nọ maan. Hia ne u rẹn vbekpae emwa ni winna vbe evba.

De Iwinna Na Ru Vbe Bẹtẹl?

Ma rhie igiọdu ne uwa, ne uwa do mu okhian lẹga e Bẹtẹl!

De Vbene Ima Ya Zedu Ebe Ọghomwa Ghee Urhuẹvbo Ughughan Hẹ?

Ma keghi zedu ebe ọghomwa ladian vbe urhuẹvbo nọ gberra 900. Vbọzẹe ne ima na loo ẹrhiọn vberriọ?

De Vbene Ima Ya Miẹn Igho Ne Ima Loo Ye Iwinna Ugamwẹ Vbe Otagbọn Hia?

De vbene otu ọghomwa ya lughaẹn ne ugamwẹ ọvbehe hẹ, vbe nọ dekaẹn vbene a ya loo igho hẹ?

Vbọzẹe Ne Avbe Osẹe Jehova Na Bọlọ Ọgua Arriọba? Vbe Iran Ya Bọlọe Hẹ?

Vbọzẹe ne a na tie ehe ugamwẹ ọghe ima Ọgua Arriọba? Hia ne u rẹn iyobọ ne avbe Ọgua Arriọba ye ne iko ughughan.

De Odẹ Ne Ima Khian Ya Gha Mwẹ Obọ Vbe Ọgua Arriọba Na Dọlọ Yi?

Ọgua Arriọba ne mose mose ẹre ọ khẹke ne ima na gha ga Osanobua. De emwamwa nọ rrọọ ne ima ya kpe Ọgua Arriọba ọghomwa huan?

De Iyobọ Ne Aza Ebe Nọ Rre Ọgua Arriọba Ye Ne Ima?

Ọ gha kẹ, ọ mwẹ emwi ne u hoo ne u rẹn sayọ vbe Baibol. Ọ ghaa yerriọ, ọ khẹke ne u ru ezanzan. U sẹtin loo aza ebe nọ rre Ọgua Arriọba.

De Emwi Nọ Rre Wẹbsait Ọghe Ima?

Hia ne u rẹn sayọ vbekpae iyayi kevbe iwinna ima. U gha miẹn ewanniẹn ọghe inọta nibun ni dekaẹn e Baibol.

Gha Ru Ahoo Ọghe Jehova

E Jehova gele hoẹmwẹ ruẹ. Vbua khian ya rhiẹre ma hẹ wẹẹ, u hoo ne u gha ya ẹko rhiẹnrhiẹn e Jehova vbe arrọọ ruẹ?