Aha do na Boi Menjamin Asa Bahagia Masa Depanta?
Songon naung dipaboa di halaman sebelumna, godang do halak na berupaya marsikkola na timbo, porsea tu nasib, mangalului godang hepeng, jala gabe halak na burju asa boi denggan masa depanna. Alai sude akka na diulahon nasida i, dos ma i songon na mamakke peta na sala tikki naeng lao tu sada tempat. Molo songon i, adong do petunjuk na boi dihaporseai na boi mambahen bahagia masa depanta? Adong!
SUMBER INFORMASI NA DUMENGGAN
Tikki naeng mambahen keputusan, biasana tapangido do nasehat sian halak na uttua manang na ummalo sian hita. Suang songon i ma, asa boi bahagia masa depanta adong do sada Pribadi na uttua jala na ummalo sian hita na boi mangalehon nasehat na dumenggan na boi mangurupi hita. Nasehat i, adong do dipaboa di sada bukku na disurat hira-hira 3.500 taon naung salpu. Bukku i, i ma Bibel.
Boasa Bibel i boi tahaporseai? Alana, Bibel i sian sada Pribadi na uttua jala na ummalo di saluhut portibi on. Didok do Ibana “Naung Adong sian Najolo”, i ma Debata “na so marmula jala na so marujung”. (Daniel 7:9; Psalmen 90:2) Jala Ibana do “Sitoppa langit, Debata na sittong, Debata na manoppa tano on”. (Jesaya 45:18) Jala dipaboa Ibana do goarna tu hita, i ma Jahowa.—Psalmen 83:18.
Ala sian Debata do Bibel, i ma Debata na manoppa sude jolma, jadi dang adong didok Ibana di Bibel na undenggan sada kebudayaan manang sada suku sian akka kebudayaan manang suku na asing. Nasehat na adong di Bibel, dang ketinggalan jaman jala bermanfaat do tu sude jolma. Bibel, i ma bukku na unggodang diterjemahon tu godang bahasa jala na unggodang dijaha akka jolma. * Alani i, sude do halak boi manjaha jala boi mandapot manfaat sian Bibel i. Jadi, tutu do sude songon na didok di Bibel:
“Na so marimbar jolma di jolo ni Debata. Lomo do roha ni Debata mangida ganup halak na makkabiari Ibana jala na mangulahon na sittong, dang soal sian bangso na dia pe nasida.”—ULAON NI APOSTEL 10:34, 35.
Dos songon natua-tua na makkaholongi jala na olo mangurupi ianakkonna, songon i ma Debata Jahowa na makkaholongi jala na olo mangurupi hita marhite Bibel na marisi Hatana. (2 Timoteus 3:16) Jadi, boi do porsea hamu tu na didok di Bibel. Alana, Jahowa do na manoppa hita jala diboto Ibana do aha na mambahen las rohatta.
Aha do na ikkon diulahon hamu asa boi bahagia masa depanmuna? Di halaman na mangihut, tadapot ma alusna.
^ par. 6 Molo naeng mamboto taringot penerjemahan ni Bibel jala boasa boi i sahat tu godang halak, ida ma www.jw.org/bbc di bagian NA DIAJARHON BIBEL > SEJARAH & BIBEL.
^ par. 16 Lao mamboto informasi tambahan, ida bukku Alkitab—Firman dari Allah atau dari Manusia? pasal 9. Bukku on diterbitton Saksi Jahowa jala adong do di internet. Ida ma di www.jw.org/id jala pillit ma bagian PERPUSTAKAAN > BUKKU & BROSUR.
Mungkin Lomo do Rohamuna Mamboto
JOUJOU PABOAHON
Na Didok Bibel Taringot Ari na Naeng Ro
Patogu ma pakkirimonmuna taringot janji ni Debata tu tano on di ari na naeng ro dohot akka halak na maringanan disi.
JOUJOU PABOAHON
Porlu Dope Tajaha Bibel?
Ala nunga godang informasi na terbaru, porlu dope manjaha buku na disurat 2.000 taon naung salpu?
JOUJOU PABOAHON
Bibel dohot na Tinuju ni Ngolumuna
Hata ni Debata boi mangurupi hita mangadopi angka masalah di portibi on. Asing ni i, dipaboa do di Bibel taringot na laho masa di ari na naeng ro.
ALUS NI BIBEL
Naung Dipaboa Hian do di Bibel Pangalaho ni Halak di Tikkitta Saonari?
Nungnga dipaboa hian di Bibel na lam roa nama pangalaho ni akka jolma.
