Urupi ma angka na mambege asa mamareso diri ni nasida. Bahen ma sungkun-sungkun asa boi diboto nasida songon dia diri ni nasida na sasintongna.

Jujui ma nasida asa marroha na ias. Urupi ma nasida mamingkirhon boasa diulahon nasida na denggan. Jujui ma nasida asa mangulahon sada ulaon alani holong ni nasida tu Jahowa, tu angka dongan, dohot ala porsea tu na diajarhon Bibel. Unang ma jamitai nasida, alai urupi ma nasida mangantusi laba ni na didok Bibel marhite sungkun-sungkun. Unang ma bahen gabe maila nasida, alai patogu ma roha ni nasida jala jujui mangulahon na dumenggan.

Lehon ma poda na sian Jahowa. Paboa ma boi do taboto parange dohot holong ni Debata tu hita marhite manulingkiti Bibel, angka prinsip, dohot parentana. Jujui ma nasida mamingkirhon songon dia pangkilalaan ni Jahowa dohot cara mambahen las rohana.