“O Matsɛ Yemi ɔ Nɛ Ba”—Sɔlemi Nɛ Nimli Ayɔhi Abɔ Sɔleɔ
Anɛ o sɔle hyɛ kaa Mawu Matsɛ Yemi ɔ nɛ ba lo? Jeha lafahi abɔ nɛ be ɔ, nimli ayɔhi abɔ sɔle ke, “O Matsɛ Yemi ɔ nɛ ba.” Mɛni he je nɛ a woɔ munyu nɛ ɔ nɔ ta ngɛ a sɔlemi mi ɔ? Ejakaa Yesu de e se nyɛɛli ɔmɛ kaa a sɔle nɛ Mawu Matsɛ Yemi ɔ nɛ ba.
Sisije ɔ, Yesu kaseli ɔmɛ nui nɔ́ fɛɛ nɔ́ nɛ e de kɛ kɔ Matsɛ Yemi ɔ he ɔ sisi. A bi lɛ be ko ke: “Nyɔmtsɛ, anɛ o kɛ Matsɛ Yemi ɔ ngɛ Israel bi ɔmɛ hae ekohu ngɛ be nɛ ɔ mi lo?” Eko ɔ, e pee mɛ nyakpɛ kaa Yesu ha we mɛ heto tɛɛ. (Ní Tsumi 1:6, 7) Anɛ enɛ ɔ tsɔɔ kaa wa be nyɛe maa le nɔ́ nɛ Mawu Matsɛ Yemi ɔ ji, kɛ be nɛ e maa ba a lo? Ohoo, lɔ ɔ tsɔɔ we jã!
Hwɔɔmi Mɔ nɛ ɔ maa ye bua mo konɛ o na sane bimihi nɛ nyɛɛ se nɛ ɔmɛ a heto:
Mɛni he je nɛ wa hia Mawu Matsɛ Yemi ɔ?
Mɛnɔ ji Mawu Matsɛ Yemi ɔ nya Matsɛ?
Mɛni be nɛ Mawu Matsɛ Yemi ɔ maa ye zugba a nɔ?
Mɛni Mawu Matsɛ Yemi ɔ ma tsu?
Mɛni he je nɛ e sa kaa o fĩ Mawu Matsɛ Yemi ɔ se piɔ ɔ?
Mɛni ji Mawu Matsɛ Yemi ɔ?
Eko ɔ, O Bua Maa Jɔ Enɛ ɔ Hu He
ESSENTIAL BIBLE TEACHINGS
Mɛni Ji Mawu Matsɛ Yemi ɔ?
Yesu tu Mawu Matsɛ Yemi ɔ he munyu wawɛɛ pe ní kpahi ngɛ e fiɛɛmi ní tsumi ɔ mi. E se nyɛɛli ɔmɛ kɛ jeha babauu sɔle konɛ Matsɛ Yemi ɔ nɛ ɔ nɛ ba.
