HWƆƆMI MƆ No. 2 2020 | Mɛni Ji Mawu Matsɛ Yemi ɔ?

Jeha lafahi abɔ ji nɛ ɔ nɛ́ nihi bi sane nɛ ɔ. O maa na heto ɔ ngɛ Baiblo ɔ mi.

“O Matsɛ Yemi ɔ Nɛ Ba”—Sɔlemi Nɛ Nimli Ayɔhi Abɔ Sɔleɔ

Bɔ nɛ pee nɛ waa nu nɔ́ nɛ sɔlemi nɛ ɔ tsɔɔ ɔ sisi ɔ, mɛni sane bimihi nɛ kɔɔ Mawu Matsɛ Yemi ɔ he ɔ nɛ e sa nɛ waa na heto ɔ?

Mɛni He Je Nɛ Wa Hia Mawu Matsɛ Yemi ɔ?

Ke adesahi nɛ a yi mluku ɔ ye mɛ nitsɛmɛ a he nɔ ɔ, e kɛ nyagbahi baa.

Mɛnɔ Ji Mawu Matsɛ Yemi ɔ Nya Matsɛ?

Baiblo ngmali fuu ngma níhi nɛ ma kadi nɔ nɛ maa ye nɔ kaa Mawu Matsɛ Yemi ɔ nya Matsɛ ɔ. Ngɛ adesa yi nɔ sane mi tsuo ɔ, nɔ kake pɛ nɛ níhi nɛ a ngma a kɔ ɔ e he ɔ nɛ.

Mɛni Be Nɛ Mawu Matsɛ Yemi ɔ Maa Ye Zugba a Nɔ?

Yesu kaseli anɔkualetsɛmɛ ɔmɛ ekomɛ suɔ kaa a maa le heto ɔ. Mɛni heto nɛ e ha mɛ?

Mɛni Mawu Matsɛ Yemi ɔ Ma Tsu?

Yesu le kaa Mawu Matsɛ Yemi ɔ pɛ ji nɔ yemi nɛ ma tsu adesahi a nyagbahi a he ní. Mɛni nɛ Mawu Matsɛ Yemi ɔ tsu momo nɛ lɔ ɔ ha nɛ wa ná nɔ mi mami ngɛ Matsɛ Yemi ɔ mi?