Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Laami Sanehi Kɛ Cookies A He Mlaahi

Laami Sanehi Kɛ Cookies A He Mlaahi

Yehowa Odasefohi asafo ɔ buɔ he blɔ slɔɔtohi nɛ nihi ngɛ, nɛ a kɛ nihi a laami sanehi tsuɔ ní ngɛ blɔ nɛ da nɔ. Ke o ngɛ hlae nɛ o le bɔ nɛ a kɛ Data Protection Policy (mlaa nɛ kudɔɔ bɔ nɛ asafo ɔ kɛ nihi a he sanehi) tsuɔ ní ha ngɛ je kɛ wɛ ɔ he sanehi fuu ɔ, moo nyɛ hiɛ ɔ.

Data Protection Policy ɔ tsɔɔ bɔ nɛ Yehowa Odasefohi asafo ɔ kɛ nihi a he sanehi tsuɔ ní ha. Jehanɛ hu ɔ, o maa na blɔ tsɔɔmi pɔtɛɛ komɛ ngɛ sisi blɔ nɛ kɔɔ Intanɛti ní tsumi he nɛ ɔ he.

Intanɛti ní tsumi he nɛ ɔ ji Watchtower Bible and Tract Society of New York, Inc. nɔ. (“Watchtower”) ji ní tsumi he ko nɛ a to sisi ngɛ New York. A kɛ yi jua, mohu ɔ, e fĩɔ Yehowa Odasefohi a ní tsumi slɔɔtohi kɛ a Baiblo tsɔsemi ní tsumi ɔ se. A kɛ níhi nɛ jeɔ kpo ngɛ Intanɛti ní tsumi he nɛ ɔ nɔ ɔ toɔ ngɛ klama komɛ nɛ a tsɛɛ ke servers ɔ mi. Servers ɔ eko ngɛ United States of America.

O He Sanehi

A kɛ o he sanehi nɛ o kɛ fɔ Intanɛti ní tsumi he nɛ ɔ nɔ ɔ tsuɔ yi mi tomi nɛ a tsɔɔ mo kɛ sɛ hlami ɔ pɛ he ní.

Waa kɛ o he sanehi be nɔ ko hae ja e biɔ nɛ a pee jã konɛ a nyɛ nɛ a kɛ tsu yemi kɛ buami nɛ o bi ɔ he ní be mi nɛ a ha mo lemi loo e biɔ nɛ a pee jã ngɛ mlaa nya, loo ke e he hia nɛ a kɛ ha mlaa he ní tsuli, loo konɛ a kɛ tsi ojo fiami nya, aloo ngɛ he piɛ pomi blɔ fa mi. Ke o kɛ Intanɛti ní tsumi he nɛ ɔ tsu ní ɔ, e tsɔɔ kaa o kplɛɛ nɔ kaa a ma nyɛ kɛ o he sanehi ma tsu yi mi tomihi nɛ a tu he munyu nɛ ɔmɛ pɛ a he ní. Waa kɛ o he sanehi nɛ o ma ha wɔ ɔ be jua yee ngɛ blɔ ko blɔ ko nɔ.

Third-Party Vendors. Be komɛ ɔ, wa haa Intanɛti ní tsumi he kpahi he blɔ nɛ a kɛ blɔ nɔ tomi pɔtɛɛ komɛ fɔɔ wa Intanɛti ní tsumi he nɛ ɔ nɔ (kaa nɔ hyɛmi nɔ́ ɔ, ke o ngɛ womi ko nɔ ní ngmae ngɛ Intanɛti ɔ nɔ). A tsɛɛ Intanɛti ní tsumi he kpahi nɛ yeɔ bua wɔ ɔ ke third-party vendors. Ke o nyɛ blɔ nɔ tomi nɛ ɔ eko nɔ ɔ, e kɛ mo maa ya third-party vendors Intanɛti ní tsumi he nɛ ɔmɛ a nɔ, nɛ adrɛs bar kɛ bɔ nɛ a to ní ɔmɛ a he blɔ nya ha a hu ma tsake. Loko wa maa hla third-pary vendor ko ɔ, wa hyɛɛ kaa e laami sanehi a he mlaahi kɛ bɔ nɛ e kɛ nihi a he sanehi tsuɔ ní ha a kɛ wa nɔ́ ɔ kɔ lo. Wa pɔɔ hyɛmi kaa a pee tsakemihi ngɛ jamɛ a mlaa amɛ a mi lo. Ke o ngɛ sane bimi ko ngɛ mlaahi nɛ third-party vendor ko kɛ tsuɔ ní ɔ he ɔ, wa kpa mo pɛɛ nɛ o ya kane mlaahi nɛ a kɛ a fɔ a Intanɛti ní tsumi he ɔ.

He Piɛ Pomi

Waa kɛ o he sanehi nɛ o kɛ fɔ wa Intanɛti ní tsumi he nɛ ɔ nɔ ɔ toɔ saminya. Waa kɛ Transport Layer Security (TLS) tsuɔ ní konɛ nɔ ko kó na o he sanehi nɛ o kɛ fɔ wa Intanɛti ní tsumi he ɔ nɔ ɔ. Waa kɛ kɔmpiutahi nɛ a to a he blɔ nya saminya tsuɔ ní bɔ nɛ pee nɛ wa kɛ po sanehi nɛ wa nine suɔ nɔ ɔ a he piɛ.

Accounts

A maa mane mo sɛ gbi kɛ gu e-mail adrɛs nɛ o kɛ ma bli account ngɛ Intanɛti ní tsumi he nɛ ɔ nɔ ɔ nɔ. Kaa nɔ hyɛmi nɔ́ ɔ, ke o hɛ je biɛ loo password nɛ o kɛ tsu ní ɔ nɔ nɛ o bi yemi kɛ buami ɔ, a maa mane mo sɛ gbi kɛ gu e-mail adrɛs nɛ o kɛ ma ha ngɛ o he sanehi nɛ o maa ngma a mi ɔ nɔ.

Yemi Kɛ Buamihi

Ke o suɔ nɛ o mane yemi kɛ buami ko ngɛ sika blɔ fa mi kɛ gu Intanɛti ɔ nɔ ɔ, e maa hia nɛ o ngma o biɛ kɛ o he sane kpahi. Ke o kɛ credit card lɛ ha yemi kɛ buami ɔ, waa kɛ Intanɛti nɔ sika manemi blɔ nɔ tomi nɛ ngɛ slɔkee lɛ tsuɔ ní loko wa nine suɔ nɔ. Waa kɛ o he sanehi nɛ ngɛ o credit card ɔ nɔ, loo o bank account nɔma, loo o account he sane kpahi nɛ o kɛ mane nihi nɛ a tsuɔ jamɛ a blɔ nɔ tomi ɔ he ní ɔ to we. Ní tsumi he nɛ tsuɔ sika manemi blɔ nɔ tomi nɛ ɔ he ní ɔ ngɔɔ sika manemi he sanehi nɛ a nine suɔ nɔ ɔ kɛ toɔ, ke e hí kulaa a maa pee jeha nyɔngma. Sika manemi he sanehi nɛ a kɛ toɔ ɔ ekomɛ ji, be nɛ o kɛ mane sika a, sika abɔ nɛ o mane, kɛ blɔ nɔ nɛ o gu kɛ mane sika a. Blɔ nya tomi nɛ ɔ yeɔ bua wɔ nɛ waa kɛ sika manemi he mlaahi tsuɔ ní saminya nɛ ke sane bimi ko te si ngɛ he pee se ɔ, wa nyɛɔ tsuɔ he ní. Wa be mo bie nɛ o kpale mane wɔ sika.

O He Sane Kpahi

O kɛ o he sanehi ma nyɛ maa mane wɔ (kaa o biɛ, adrɛs kɛ o tɛlifoo nɔma) nɛ pi doo kaa jã o yaa mane wɔ sika aloo o ngɛ hlae nɛ o bli account (kaa nɔ hyɛmi nɔ́ ɔ, ke o ngɛ bie nɛ a kɛ mo nɛ ba kase Baiblo ɔ nɛ o be hiɔ woe ɔ, o ma nyɛ maa mane wɔ o biɛ, adrɛs, kɛ o tɛlifoo nɔma) ngɛ wa Intanɛti ní tsumi he ɔ. Waa kɛ sane nɛ ɔmɛ toɔ nɛ wa kɛ tsuɔ yi mi tomi nɛ o kɛ ha a pɛ he ní ngɛ be nɛ wa hia mi.

Cookies Kɛ Blɔ Nɔ Tomi Kpahi Nɛ A Ngɛ Kaa Jã

Wa to wa Intanɛti ní tsumi he ɔ he blɔ nya kaa be fɛɛ be nɛ o kɛ ma tsu ní ɔ, e nyɛ nɛ e ngɔ ní pɔtɛɛ komɛ kɛ to. Waa kɛ “cookies,” “web beacons,” kɛ blɔ nɔ tomi kpahi kaa jã lɛ to blɔ nya nɛ ɔ. Munyungu nɛ ji cookie nɛ waa kɛ tsu ní ngɛ laami sanehi a he mlaa nɛ ɔ mi ɔ kɔɔ blɔ nɔ tomi slɔɔtohi nɛ waa kɛ tsuɔ ní ɔ he, nɛ “local storage” hu piɛɛ he.

Cookies. Kaa bɔ nɛ Intanɛti ní tsumi he kpahi tsuo ngɛ ɔ, ke o ba Intanɛti ní tsumi he nɛ ɔ hu nɔ ɔ, e ngɔɔ munyu komɛ (cookie) kɛ toɔ ngɛ o fon, tablɛti, aloo o kɔmpiuta a nɔ. Wa ngɛ cookies slɔɔtohi nɛ tsuɔ yi mi tomi slɔɔtoslɔɔtohi a he ní bɔ nɛ pee nɛ wa Intanɛti ní tsumi he ɔ kɛ ní tsumi ko ye ha mo. Cookies ɔ yeɔ bua wɔ nɛ wa leɔ kaa o ba wa Intanɛti ní tsumi he ɔ nɔ hyɛ, loo wa leɔ hehi nɛ o pɔɔ yami. Kaa nɔ hyɛmi nɔ́ ɔ, a kɛ gbi nɛ o pɔɔ kɛ ní tsumi ɔ toɔ ngɛ cookie ɔ mi bɔ nɛ pee nɛ Intanɛti ní tsumi he ɔ nɛ bli ngɛ jamɛ a gbi ɔ mi ekohu ha mo ke o kpale ba bli pee se. Waa kɛ sanehi nɛ a kɛ toɔ ngɛ cookies ɔ mi ɔ yi jua.

Cookies slɔɔtohi nɛ waa kɛ tsuɔ ní ngɛ wa Intanɛti ní tsumi he nɛ ɔ nɔ ɔ ji nɛ ɔ nɛ:

  1. Strictly Necessary Cookies​—Cookies nɛ ɔmɛ a he hia bɔ nɛ pee nɛ o nyɛ nɛ o bli hehi pɔtɛɛ komɛ ngɛ Intanɛti ní tsumi he ɔ nɔ, kaa nɔ hyɛmi nɔ́ ɔ, ke o yaa bli o inbox ɔ mi aloo o kɛ o he sane ko yaa mane. Ke cookies nɛ ɔ tsu we ní ɔ, wa be nyɛe ma tsu o ní bimi komɛ a he ní, kaa nɔ hyɛmi nɔ́ ɔ, yemi kɛ buami nɛ o mane ngɛ sika blɔ fa mi ɔ he ní be hie tsumi. Waa kɛ níhi nɛ cookies nɛ ɔ kɛ toɔ ɔ yi jua, nɛ waa kɛ hyɛ we hehi nɛ o ya ngɛ intanɛti ɔ nɔ hulɔ.

  2. Functionality Cookies​—Cookies nɛ ɔ yeɔ bua nɛ Intanɛti ní tsumi he ɔ nyɛɔ kaiɔ níhi nɛ o hla nɛ o kɛ ma tsu ní (kaa o biɛ, gbi nɛ o pɔɔ Intanɛti ní tsumi he ɔ blimi ngɛ mi kɛ he nɛ o ngɛ), nɛ e yeɔ bua konɛ Intanɛti ní tsumi he ɔ kɛ ní tsumi ko ye ha mo hulɔ.

  3. Analytical Cookies​—Cookies nɛ ɔ ngɔɔ sanehi nɛ kɔɔ bɔ nɛ nihi kɛ Intanɛti ní tsumi he ɔ tsuɔ ní haa kɛ toɔ. Kaa nɔ hyɛmi nɔ́ ɔ, nihi abɔ nɛ kɛ Intanɛti ní tsumi he ɔ tsuɔ ní kɛ be abɔ nɛ a yeɔ ke a ba Intanɛti ní tsumi he ɔ nɔ. Waa kɛ ní nɛ ɔmɛ tsuɔ ní kɛ tsakeɔ Intanɛti ní tsumi he ɔ hɛ mi bɔ nɛ sa konɛ e kɛ ní tsumi ko ye.

Cookies nɛ ɔ ekomɛ ngɛ nɛ a to a he blɔ nya kɛ ha wa Intanɛti ní tsumi he ɔ pɛ. Ekomɛ hu ngɛ nɛ a to a he blɔ nya kɛ ha Intanɛti ní tsumi he kpahi nɛ o ma nyɛ ma bli kɛ gu wa Intanɛti ní tsumi he ɔ nɔ ɔ. Waa kɛ cookies nɛ a to a he blɔ nya kɛ ha wa Intanɛti ní tsumi he ɔ pɛ lɛ tsuɔ ní, lɛɛ jã Google reCAPTCHA cookies Google ní tsumi he ɔ to he blɔ nya a. Google reCAPTCHA a yeɔ bua nɛ wa yɔseɔ kaa nɔ nɛ e kɛ e he sane ɔ ngɛ mane ɔ ji nɔmlɔ adesa aloo e ji klama pɔtɛɛ ko nɛ a to he blɔ nya. Wa kpa mo pɛɛ nɛ o kane Google ní tsumi he ɔ laami sanehi a he mlaahi ngɛ adrɛs nɛ ɔ mi https://www.google.com/intl/en/policies/privacy/.

Web Beacons. Waa kɛ Web beacons blɔ nɔ tomi ɔ tsuɔ ní konɛ wa nyɛ nɛ waa kɛ sanehi komɛ kaa be tutuutu nɛ o bli he pɔtɛɛ ko ngɛ Intanɛti ní tsumi he ɔ nɔ ɔ nɛ to. Web beacons blɔ nɔ tomi ɔ yeɔ bua wɔ nɛ wa leɔ si abɔ nɛ nihi kɛ Intanɛti ní tsumi he ɔ tsuɔ ní, nɛ wa nyɛɔ kɛ toɔ Intanɛti ní tsumi he ɔ he blɔ nya saminya.

IP Adrɛs Kɛ Ní Tsumi. IP adrɛs ji nɔma ko nɛ e haa nɛ a leɔ o kɔmpiuta a mi tso ngɛ Intanɛti ɔ nɔ. Waa kɛ o IP adrɛs kɛ blɔ nɔ tomi nɛ o kɛ bliɔ Intanɛti ɔ tsuɔ ní konɛ waa le hehi nɛ o pɔɔ yami nɛ wa nyɛ nɛ wa tsu nyagbahi nɛ o kɛ kpe benɛ o ngɛ Intanɛti ní tsumi he ɔ nɔ ɔ a he ní.

Nɔ́ Nɛ O Suɔ. Blɔ nɔ tomi nɛ a kɛ bliɔ Intanɛti ɔ a kpɛti babauu ma ha mo he blɔ konɛ o tsi cookies ɔ blɔ nɛ e ko tsu ní aloo loko e maa ngɔ cookies kɛ to ngɛ o klama a nɔ ɔ, e ma de mo. Wa kpa mo pɛɛ nɛ o kane blɔ tsɔɔmihi nɛ ngɛ blɔ nɔ tomi nɛ o kɛ bliɔ Intanɛti ɔ nɔ ɔ nɔ konɛ o le bɔ nɛ o kɛ ma tsu ní ha. Wa kpa mo kpɛɛ nɛ o kadi kaa, ke o kɛ cookies tsu we ní ɔ, o be blɔ nɔ tomihi komɛ nɛ ngɛ Intanɛti ní tsumi he ɔ nɔ ɔ a he se nae kɛ pi si.

Active Scripting loo JavaScript

A kɛ blɔ nɔ tomi nɛ ji scripting ɔ tsuɔ ní konɛ Intanɛti nɔ ní tsumi he nɛ ɔ nɛ e nyɛ nɛ e tsu ní saminya. Scripting ɔ haa nɛ Intanɛti ní tsumi he ɔ kɛ sanehi maneɔ mlamlaamla. Se Intanɛti ní tsumi he nɛ ɔ kɛ scripting blɔ nɔ tomi ɔ tsu we ní konɛ e kɛ ngɔ blɔ nɔ tomi kpa ko kɛ wo o kɔmpiuta a nɔ. Nɛ a kɛ be o he sanehi gblae be mi nɛ o ha we he blɔ.

Ja Active scripting loo JavaScript ɔ ngɛ ní tsue loko Intanɛti ní tsumi he nɛ ɔ nɔ hehi komɛ ma nyɛ ma tsu ní saminya. Blɔ nɔ tomi nɛ a kɛ yaa Intanɛti ɔ nɔ ɔ fuu kplɛɛɔ blɔ nya tomi nɛ ɔ nɔ nɛ ekomɛ hu kplɛɛ we nɔ. Mo ya hyɛ yemi kɛ buami blɔ he ɔ nɛ ngɛ blɔ nɔ tomi nɛ o kɛ yaa Intanɛti ɔ nɔ ɔ, konɛ o kase blɔ tsɔɔmihi nɛ kɔɔ bɔ nɛ blɔ nɔ tomi nɛ ɔ tsuɔ ní ngɛ Intanɛti nɔ ní tsumi he slɔɔtohi a nɔ ha.

He Blɔhi Nɛ O Ngɛ

O ma nyɛ maa gbla womihi, videohi loo níhi nɛ a fiaa nɛ a buɔ tue ngɛ Intanɛti ní tsumi he nɛ ɔ nɔ nɛ o be nɔ́ ko woe. E he hia we nɛ o bli account, o ha yemi kɛ buami, loo o ngɔ o he sane kɛ mane ngɛ blɔ ko nɔ loko o ma nyɛ kɛ Intanɛti ní tsumi he nɛ ɔ ma tsu ní. Se ke mo nitsɛ o suɔ nɛ o bli account, o ha yemi kɛ buami, o bi nɛ a kɛ mo ba kase Baiblo ɔ nɛ o be nɔ́ ko woe, loo o suɔ nɛ o pee nɔ́ ko ngɛ Intanɛti ní tsumi he nɛ ɔ nɔ nɛ e he maa hia nɛ o ngma o he sane ɔ, lɛɛ lɔ ɔ tsɔɔ kaa o kplɛɛ mlaahi tsuo nɛ kudɔɔ wa Intanɛti ní tsumi he ɔ nɔ. Ekomɛ ji Laami Sanehi kɛ Cookies A He Mlaahi, bɔ nɛ Watchtower ní tsumi he ɔ kɛ ní tsumi he kpahi nɛ yeɔ bua Yehowa Odasefohi a ní tsumihi ngɛ ma slɔɔtohi a nɔ ɔ ngɔɔ o sanehi kɛ toɔ kɛ bɔ nɛ a kɛ tsuɔ ní ha a he mlaahi. Nɔ́ nɛ o suɔ nɛ o pee ɔ lɛ maa tsɔɔ o he sanehi pɔtɛɛ nɛ maa hia. Kaa nɔ hyɛmi nɔ́ ɔ, ke o mane yemi kɛ buami kɛ ya ha ní tsumi he ko nɛ tsuɔ mlaa he ní ngɛ ma ko nɔ ɔ, a kɛ o he sanehi nɛ o ngma benɛ o kɛ yemi kɛ buami ɔ ngɛ manee ɔ ma ha jamɛ a ní tsumi he ɔ. Se ke o bi nɛ a kɛ mo ba kase Baiblo ɔ, lɛɛ a kɛ o he sanehi ma ha Yehowa Odasefohi a ní tsumi kɔni nɛ hyɛɛ Yehowa Odasefohi a ní tsumihi a nɔ ngɛ he nɛ o ngɛ ɔ konɛ a tsu he ní.

Ke o suɔ nɛ o bli account, o ha yemi kɛ buami, loo o pee nɔ́ ko ngɛ wa Intanɛti ní tsumi he ɔ nɔ nɛ e he maa hia nɛ o ha wɔ o he sanehi se o nyɛ we nɛ o ha a, wa be nyɛɛ ma tsu o ní bimi ɔ he ní.

Ke e he hia kaa waa pee tsakemi ngɛ Laami Sanehi Kɛ Cookies A He Mlaahi a mi ɔ, waa kɛ tsakemi nɛ ɔ maa fɔ ní tsumi he nɛ ɔ nɔ konɛ be tsuaa be ɔ, o le o he sanehi nɛ waa kɛ to ɔ kɛ bɔ nɛ waa kɛ ngɛ ní tsue ha.

Ngɛ mlaa nya a, o ngɛ he blɔ kpahi ngɛ bɔ nɛ e sa kaa a kɛ o he sanehi nɛ tsu ní ha a he. Ekomɛ ji, o ngɛ he blɔ nɛ o hyɛɛ o he sanehi nɛ o ha wɔ ɔ, o ngɛ he blɔ nɛ o peeɔ tsakemi ngɛ mi, nɛ o ngɛ he blɔ nɛ o jeɔ kɛ jeɔ wa Intanɛti ní tsumi he ɔ nɔ. Ke mlaa nɛ ɔ tsuɔ ní ngɛ ma nɛ o ngɛ mi ɔ mi ɔ, o maa na a he sane ɔmɛ ngɛ hiɛ ɔ. Ke o ngɛ o he sanehi nɛ o kɛ mane yemi kɛ buami ko hlae ɔ, wa kpa mo pɛɛ nɛ o bi ní tsumi he nɛ o mane sika a kɛ ya a nɛ a biɛ ngɛ o yemi kɛ buami receipt ɔ nɔ ɔ.