Lubanga Tye ki Nying Adi?
Lagam ma Baibul miyo
Lubanga tye ki nyinge acel keken. Kicoyo i leb Ibru ni, יהוה ki dok i leb Munu kicoyo ni “Jehovah”. a Lubanga owaco ki lanebi Icaya ni: “An Jehovah. Meno aye nyinga.” (Icaya 42:8, NW.) I Baibul macon, nying man onongo tye tyen 7,000 kulu—dok dwong loyo nying me dog tic mo keken ma kitiyo kwede me lwongo Lubanga nyo nying ngat mo keken i Baibul. b
Tika Jehovah tye ki nyinge mukene mapat?
Kadi bed Baibul nyuto ni Lubanga tye ki nyinge acel keken, ento en tye bene ki nyinge me dog tic mapatpat. Nying me dog tic mapatpat ma kiryeyogi piny-nyi nyuto kit Lubanga mapatpat.
Nying me dog tic |
Ka ma kicoyo iye |
Tyen lokke |
|---|---|---|
Allah |
(Pe i Baibul me leb Acholi) |
Man obedo leb Arabic, nyig lok me “Allah” pe obedo nying Lubanga ento nyinge me dog ticce ma gonye ni “Lubanga.” Lugony Baibul me leb Arabic ki leb mogo gutiyo ki nyig lok ni “Allah” me ka “Lubanga.” |
Lubanga Matwero Ducu |
Man nyuto ni tekone pe pore ki pa ngat mo keken. Nyig lok me leb Ibru ni ʼEl Shad·daiʹ, ma gonye ni “Lubanga Matwero Ducu” onen tyen abiro i Baibul. |
|
Alupa ki Omega |
Man gonye ni “Acakki ki Agikki,” ma nyuto ni cakke con i acakki piny Lubanga Won Twer mo onongo pe mapat ki Jehovah dok pe tye mo keken ma bibedo tye i ngeye. (Icaya 43:10) Alupa ki Omega gubedo nukuta me acakki ki agikki me leb Grik. |
|
Ngat ma Yam Okwongo Bedo Kwo wa Con |
En pe ki acakkine; ma peya ngat mo nyo gin mo ocako bedo tye onongo dong En tye.—Jabuli 90:2. |
|
Lacwec |
En aye ocweyo jami ducu. |
|
Wonwa |
En aye ominiwa kwo. |
|
Lubanga |
En obedo Ngat matek dok ma kiworo. Nyig lok ni Lubanga i leb Ibru kilwongo ni ʼElo·himʹ, dok nyuto deyo ki ditte. |
|
Lubanga pa lubange ducu |
Lubanga madit loyo ducu ma pe pore ki lubange ma konygi pe ma jo mukene giworo.—Icaya 2:8. |
|
Lapwony |
En pwonyowa dok tirowa wek wabed maber.—Icaya 48:17, 18. |
|
Lubanga ma Oketo Jami Ducu |
En aye oketo jami ducu.—Niyabo 4:11. |
|
Lawiny lega |
Jabuli 65:2, NW |
En winyo lega pa jo ducu ma gilego bote ki niye. |
Atye ma Atye |
En doko gin mo keken ma en mito me cobo yubbe. I Baibul mukene kigonyo lok man ni “Adoko gin mo keken ma cwinya mito” nyo ni “Adoko Gin mo Keken ma Ayero.” (The Emphasised Bible, ma J. B. Rotherham aye ogonyo; ki dong Baibul me New World Translation) Lok man konyowa me niang tyen lok me nying Lubanga, Jehovah, ma kiloko iye i tyeng ma lubo-ni.—Nia 3:15, coc ma tye piny. |
|
Lanyeko |
En pe mito ni wawor lubanga mukene mapat ki en. Lok man bene kigonyo ni “En pe mito ni kipyem kwede” ki ni “En mito ni wawor en keken.”—Baibul me God’s Word Bible; ki Baibul me New World Translation. |
|
Kabaka ma loyo kare ducu |
Acakki ki agikki me locce pe. |
|
Rwot |
Laditwa; I leb Ibru ʼA·dhohnʹ ki ʼAdho·nimʹ. |
|
Rwot me mony |
Ladit wi lumalaika ducu.—Jo Roma 9:29. |
|
Ngat Mamalo Twal |
En aye Ngat madit loyo ducu. |
|
Ngat Maleng Loyo Ducu |
Carolok 9:10, NW |
En leng i yo ducu dok pe pore ki ngat mo keken. |
Lacwe agulu |
Icaya 64:8, NW |
En tye ki twero i kom rok ducu ki dong wan ducu ki acel acel, kit macalo lacwe agulu tye ki twero i kom lobo agulune.—Jo Roma 9:20, 21. |
Lakokwa |
En owilowa nyo okokowa ki i bal ki to kun tiyo ki ginkok pa Yecu Kricito.—Jon 3:16. |
|
Got |
En kalarrewa dok wanongo gwok ki bote. |
|
Lalarwa |
En larowa ki i peko nyo ki i gin marac. |
|
Lakwat |
En gwoko jo ma wore. |
Nying kabedo mogo ma kicoyogi i leb Ibru
Nying kabedo mogo ma kicoyogi i Baibul tye bene ki nying Lubanga, ento magi pe gubedo nying Lubanga kikome.
Nying kabedo |
Ka ma kicoyo iye |
Tyen lokke |
|---|---|---|
Jehovah-jireh |
Acakki 22:13, 14, Baibul me King James Verson. |
“Jehovah Aye Bimiyo.” |
Jehovah-nissi |
Nia 17:15, Baibul me King James Verson. |
“Jehovah Aye Banderana.” Jehovah aye Lubanga ma jone gitwero ringo bote ka yenyo gwok ki kony.—Nia 17:13-16. |
Jehovah-shalom |
Lungolkop 6:23, 24, Baibul me King James Verson. |
“Jehovah Aye Kuc.” |
Jehovah-shammah |
Ejekiel 48:35, Baibul me American Standard Version, coc ma tye piny. |
“Jehovah Tye Kany.” |
Pingo myero wange nying Lubanga dok wati kwede?
Lubanga ngeyo ni nyinge ni Jehovah-nipire tek, pien oweko kicoyo nying meno tyen alip mapol i Baibul.—Malaki 1:11.
Wod pa Lubanga bene obedo ka nwoyo teretere kit ma nying Lubanga pire tek kwede. Me labolle, en olego bot Jehovah ni: “Giwor nyingi maleng.”—Matayo 6:9; Jon 17:6.
Jo ma mito bedo lurem Lubanga myero kong gukwong ngeyo nyinge dok guti kwede. (Jabuli 9:10; Malaki 3:16) Wat macok kit meno bikonyogi me nongo adwogi maber ki i cikke pa Lubanga ni: “Kit macalo en onyuto marre i koma, abilare; abigwoke, pien en ngeyo nyinga.”—Jabuli 91:14, Baibol.
Baibul waco ni: “Tye gin mogo ma gilwongo ni lubanga i polo nyo i lobo, kit macalo tye lwak lubanga ki lwak rwodi mapol mapatpat-ti.” (1 Jo Korint 8:5, 6) Kadi bed kumeno, Baibul nyuto ni Lubanga me ada nyinge Jehovah.—Jabuli 83:18, NW.
a Lucoc mogo me leb Ibru onongo gimaro coyo nying Lubanga ni “Yahweh”.
b Nying Lubanga ma kicoyo macek ni, “Jah,” onen tyen 50 kulu i Baibul, medo i kom nyig lok ma bene tye ki nying Lubanga ni “Hallelujah,” nyo “Alleluia,” ma gonye ni “Wupak Jah.”—Niyabo 19:1; Baibul me American Standard Version; ki Baibul me King James Version.
Itwero Bedo ki Miti i kom Lok Man
LAPENY MA KIGAMO ME BAIBUL
Jehovah En Anga?
Tika en obedo Lubanga pa gurup mo acel keken, me labolle Luicrael?
PWONY MA PIGI TEGO ME BAIBUL
Lubanga Mono Tye ki Nyinge?
Lubanga tye ki nying dog tic mapol, calo Won Twer Ducu, Lacwec, ki Rwot. Ento nying Lubanga kikome kitiyo kwede tyen ma romo 7,000 kulu i Baibul.
LOK MADOK I KOMWA
Peny Wek Kilimi
Nyam lapeny mo me Baibul, nyo pwony lok mapol madok i kom Lucaden pa Jehovah.