Ka wawoto ki kwano Baibul, watwero nongo lonyo me cwiny ki timo kwed. Ento wek wanong adwogi maber loyo, ngo ma watwero timone?

Ket cwinyi i kom lok matinotino ma nonge i cura meno. Me labolle, anga mucoyo, ocoyo bot jo mene, dok awene? Ngo ma onongo tye ka timme i kare meno, ngo mutimme wiati, ki dok i ngeye?

Tam i kom pwony ma itwero nongo kun ikwedo lapeny calo magi: ‘Jo ma akwano lok i komgi-ni onongo giwinyo nining? Kit mene ma gunyuto? Pingo omyero alub kit magi nyo agwokke ki dongone?’

Ket i tic pwony ma inongo, gwok nyo i ticci me pwony nyo i kit ma itero kwede jo mukene. Ka itimo meno, ci ibinyuto ryeko, kit ma Baibul owaco kwede ni: “Jo ma lubo gin ma en ociko gibedo ki niang maber.”—Jab. 111:10.

• Tam: Nen kong kit ma pwony ma nonge i bute me Lonyo ma Tye i Lok pa Lubanga i cokke me dye cabit konyowa kwede me keto i tic gin ma wapwonyo. Bute man kare ducu bedo ki lapeny ma watwero pennye kwede, lok ma watwero lwodone, ki dong cal ma watwero ngiyone.