Gocné buñ ni cacadiag looy guibiʼ mod nac. Buny galrranabdiitz par gacnéni buñ guiduidyibu cuent pal cayonyibu mod gonabdiitzlo.

Biyopy mod guisobyibu ni casuidyibu. Gocné buñ ni cacadiag looy gonyibu pensary xigony ronyibu cós tzaay. Gocné layibu gandxiʼyibu Jehová, gandxiʼyibu saʼyibu né gandxiʼyibu xcalrrasuidy la Biblia. Gocné layibu; diti tilnélo layibu. Xalagary guituidylo layibu ló galnatoy buny animar layibu órni ma guiloxlo xtiscurslo par gonyibu cós tzaay dada rutirigaʼlni layibu.

Bunyxiroʼ Jehová. Goleʼ loguiaʼ ximod galrrasuidy, litz né leyes xtuny la Biblia raslooyni cualidades xtuny Dios né balaati nadxiʼbu lóono. Gocné buñ guioladx gony pensary xomod Jehová né gonyibu ni rioladx Jehová.