Alex nauko wa ko atumba kura sanduki berewe ku rogo tarambiri nga ga basunge. Ko sana tiko nga, ‘Ginipai nye mi ti ni kuti gu sunge nika tumbanga pare kuari ya? Gini regbo mi nika du ti ni na diabese? Mi ima rengba ka raka wene raka ka si du nga mi amanganga sunge te!’

Wakina Alex, dungu aboro areme agbianga ngbarago be manga nyanyaki sunge ya. Aaron nga bambakadi atarambiri aya: “Dungu aboro naberãha nga si arẽnga i mangi ‘nyanyaki sunge’ te. Gayo bipai nga: ‘Mi namanga gere tipa kaa gbata wene sunge.’”

Tipagine dungu aboro abihe ti ni nga nyanyaki sunge arẽnga tipa yo te? Si rengbe kadu nga gu takapande apai nga ga apangbanga ima maapai riyo, nga gu ninaafura dedede tipa “wene” raka na aũkumuko nga, si nasa raka si du taata. Mathew nga bambakadi agu ahe nagberã aya: “Aboro naberãha nga ka mo amanga nyanyaki sunge, mo adunga na diabese te.” Shane nga bangerefuo abambu ima ida kuti gupai re. Ko aya: “Aboro nabihe nga rẽnga ha boro mangisunge tipa uru sa i ki fu marã funi rengbe na gu sunge ni nimangihe te.”

Ono tipa gu kura aboro tigayo, i na diabese mbiko gu nyanyaki sunge i amangaha. Daniel du garãko nga 25 nameka abambu aya: “Mi nabihe nga nyanyaki sunge nafu bakere mosoro, gbe ka si du nga boro na wene sasa tipaha.” Andre du garãko nga 23 ima dakuti gipai re. Ko aya: “Mi idi kuti gupai nga ngbarago naye mbiko sunge. Ka boro amangasunge gbua tooni, si arengbanga ka ndu na ni sa gbanga ngbarago te, kina bakere gberãrago!”

Agu aboro du wa Daniel na Andre, ginipai i amangihe tipa kadu na wene bipai tipa nyanyaki sunge? Ka pepai ni guruhe, i amangipai kuti gu bangua arugute nga ga Ziazia Kekeapai rogo gayo raka yo. Ziazia Kekeapai abisiranga pa nyanyaki sunge te, si nangarasa aboro i mangisunge nyanyaki na kini hipai. Ono anga gu yangarapai si agumbaha furani nga kina mangasunge te. Si nayugopa wai rengbe ani ka gbia ngbarago be gaani sunge.

Gini bangua arugute nga ga Ziazia Kekeapai rengbe ka undo ro tipa mo gbia ngbarago be gamu sunge? Ani nazungodi ro mo wisigi bete agu arugute re rogo gu kekeapai ngbefuo gere.