Ginipai rengbe mo ka mangaha ka mbeda na Mbori? Ani ima wisigo agu apai rengbe mo ka mangaha kadu na wene pagume na ko nga:

1. Mo ini rimo Mbori nga Yekova na kini mangisunge na ni

2. Mo nifura na ko dedede rogo kparakpee yo na kini wisigi Fugoko nga Ziazia Kekeapai

3. Mo zi tiro kuti manga gupai nafu ngbarago fuko

Ringbisihe kuti agi apai re, ya mo mo rengbe ka ya mo namanga gupai si aidaha tipa ka mbeda na Mbori? Ya mo abangiriaba ho si aida mo sono rogoho? Si nirengo nga, ome du si aida mo mangihe, ono mo bingo asangbanaha.

Jennifer du Amerika yo aya: “Gu ome boro amangaha kadu na wene pagume na Mbori si gbua te. Gi pagume re naye na dungu amaku: bakere kido kuti Mbori, bakere giarogo asinoko yo, gu susi asusa gbe nga, bakere nyemuse. Gu kura wene gene raka ho susi gere te!”

Ka mo aida kadu na wene pagume na Mbori, aDezire Yekova nika duadu na ngbarago ka undo ro. I ima rengba ka mbakadapai tipa ka wirika Ziazia Kekeapai na mo, zanga mo tumo tipaha. Mo ima rengba ka ye a tipa gayo adunguratise ku rogo gayo Bambu Kindo, mo nika du yo na ngbarago ka koda tiro na agu aboro nabi gayo pagume na Mbori na nyanyakipa ha. * Ka mo mangihe wo, mo nika bi tiro wakina bake papara Atambuahe naya: “Si ni wene he fere ka mbeda na Mbori.”—Atambuahe 73:28.