Baʼax ku creertik u testigoʼob Jéeoba: Toʼoneʼ k-creertik Jesucristo salvartoʼon yéetel k-ilik kuxtal jeʼex tu yeʼesajtoʼonoʼ (1 Pedro 2:21; Lucas 2:11).

 Baʼax ku creertik u testigoʼob Jéeoba: K-creertik kaʼa kuxkíintaʼab Jesús, tsʼoʼoleʼ k-kaʼansik tiʼ le máakoʼoboʼ tumen k-ojel kʼaʼabéet u yojéeltikoʼob (1 Corintios 15:3, 4, 12-15).

 Baʼax ku creertik u testigoʼob Jéeoba: K-yaabiltmaj k-paalal le oʼolal k-kaʼanskoʼob yéetel k-kʼáat ka kiʼimakchajak u yóoloʼob (Tito 2:4).

•   Le baʼaxoʼob suuk u beetaʼal teʼ Domingo de Pascua tiʼ jujunpʼéel luʼumiloʼoboʼ maʼ teʼ Biblia u taaloʼ.

•   Jesúseʼ tu yaʼalaj ka kʼaʼajsaʼak le kʼiin ka kíimoʼ, maʼ le kʼiin ka kuxkíintaʼaboʼ. Toʼoneʼ cada añoeʼ k-kʼaʼajsik le fecha ka kíimoʼ jeʼex u yeʼesik le úuchben calendario judíooʼ (Lucas 22:19, 20).

•   Le baʼaxoʼob suuk u beetaʼal teʼ Domingo de Pascuaoʼ maʼ kʼamaʼan tumen Diosiʼ. Dioseʼ u kʼáat ka k-adorart chéen letiʼ yéetel maʼ uts tu tʼaan ka k-beet le baʼaxoʼob suukaʼan u beetaʼal tumen yaʼab máakoʼoboʼ (Éxodo 20:5; 1 Reyes 18:21).

 Toʼoneʼ k-beetik baʼax ku yaʼalik le Bibliaoʼ le oʼolal maʼatech k-celebrartik le Domingo de Pascuaoʼ. Tu lugar k-beetik le baʼax suuk u beetik le máakoʼoboʼ toʼoneʼ k-ilik k-beetik le baʼax uts tu tʼaan Diosoʼ (Proverbios 3:21; Mateo 15:3). Wa yaan máax u kʼáat ka k-tsoltiʼ le baʼaxoʼob k-creerkoʼ toʼoneʼ k-beetik, pero maʼatech k-obligartik ka u creert le baʼaxoʼob k-creerkoʼ (1 Pedro 3:15).