Unaj k-tsʼáaik k-siibal tiʼ Jéeoba

KEN áantaʼakoʼon tumen wa máaxeʼ, ¿bix jeʼel k-eʼesik k-tsʼáaik u nib óolalileʼ? Koʼoneʼex ilik bix úuchik u tsʼaʼabal nib óolal tiʼ Jéeoba tumen u nuuktakil u soldadoiloʼob Israel, le ka áantaʼaboʼob baʼateʼel tu contra le madianitaʼoboʼ. Le baʼatelaʼ úuch le tsʼokaʼaniliʼ u kʼebantal le israelitaʼob ka tu adorartoʼob Baaloʼ. Baʼaleʼ áantaʼaboʼob tumen Jéeoba. Le baʼaloʼob tu chʼaʼajoʼob ka tsʼoʼokoʼ, tu tʼoxoʼob ichil le 12,000 soldadoʼob binoʼob baʼateloʼ bey xan ichil u maasil israelitaʼoboʼ. Ka tsʼoʼokeʼ le soldadoʼoboʼ tu tsʼáajoʼob tiʼ le j-kʼiinoʼob u jaats tiʼ le baʼaxoʼob tu chʼaʼajoʼob, jeʼex úuchik u yaʼalik Diosoʼ, le u maasil israelitaʼob xanoʼ tu tsʼáajoʼob xan tiʼ le levitaʼoboʼ (Núm. 31:1-5, 25-30).

Baʼaleʼ u nuuktakil le soldadoʼoboʼ tu yaʼaloʼob u kʼáatoʼob u tsʼaʼob u maasil, le oʼolal tu yaʼaloʼob tiʼ Moisés: «Toʼon a j-meyajoʼoneʼ tsʼoʼok [k-]xokik le j-baʼateloʼob binoʼob t-éeteloʼ ka t-ilaj mix juntúul ku binetikiʼ». Letiʼobeʼ tu chʼaʼatukloʼob u tsʼáaikoʼob tiʼ Jéeoba alhajas yéetel uláakʼ baʼaloʼob de oro, tuláakaleʼ maas tiʼ 190 kilos (500 libras troy) (Núm. 31:49-54).

 Toʼoneʼ k-kʼáat k-tsʼáa u nib óolalil tiʼ Jéeoba yoʼolal le baʼaxoʼob tsʼoʼok u beetik t-oʼolaloʼ. Baʼaleʼ yaan uláakʼ máaxoʼob u kʼáat u beetoʼob xan beyoʼ. Lelaʼ bey tu beetil utúul máax manejartik upʼéel autobús tu bisaj u j-jaajkunajoʼob Jéeoba teʼ estadio tuʼux beetaʼab le asamblea internacional tu jaʼabil 2009, yanchaj tu noj kaajil Bolonia, tu luʼumil Italia. Tumen jach maʼalob úuchik u manejar yéetel tumen tu yeʼesaj jatsʼuts modoseʼ, le sukuʼunoʼoboʼ tu chʼaʼatukloʼob u tsʼáaikoʼobtiʼ upʼéel chan juʼun tuʼux ku tsʼáaikoʼob u diosboʼotikil úuchik u bisaʼaloʼob, yéetel tu tsʼáajoʼob tiʼ upʼíit taakʼin bey xan le libro ¿Baʼax jach tu jaajil ku kaʼansik le Bibliaoʼ? Baʼaleʼ le máakoʼ tu yaʼalajtiʼob: «Jeʼel in chʼaʼikteʼex le chan juʼun yéetel le librooʼ, baʼaleʼ kin sutikteʼex le taakʼinoʼ, tumen taak in wáantkeʼex tiʼ le meyaj ka beetkeʼexoʼ. Kex maʼ u j-jaajkunajen Jéeobaeʼ in kʼáat in wáanteʼex, tumen tsʼoʼok in wilik letiʼe yaabilaj péekskeʼex a beeteʼexoʼ».

Upʼéel bix jeʼel k-eʼesik k-tsʼáaik nib óolal tiʼ Dios yoʼolal le baʼaxoʼob tsʼoʼok u beetik t-oʼolaloʼ, letiʼe k-síik k-taakʼin wa uláakʼ baʼaxoʼob yantoʼon utiaʼal u seguer u kʼaʼaytaʼal le maʼalob péektsil tumen u j-jaajkunajoʼob Jéeobaoʼ (Mat. 24:14). Teʼ cuadrooʼ ku tsoʼolol le jejeláas bix jeʼel u páajtal k-beetkoʼ.

[U tsolajil le oochel teʼ táan juʼun 20]

JEJELÁAS BIX JEʼEL K-TSʼÁAIK BAʼAXOʼOB YANTOʼONEʼ

SIIBALOʼOB UTIAʼAL LE MEEYJIL KʼAʼAYTAJOʼ

Yaʼab sukuʼunoʼobeʼ ku jóoʼskoʼob u jaats tiʼ le taakʼin ku náajalkoʼob utiaʼal u tsʼáaikoʼob teʼ caja ku kʼaabaʼtik «Utiaʼal le meeyjil kʼaʼaytajoʼ» (Obra mundial).

Cada meseʼ le múuchʼuliloʼoboʼ ku túuxtikoʼob tu najil Betel le taakʼin ku siʼibiloʼ. Le máax taak u síik taakʼin utiaʼal le meyajaʼ jeʼel u páajtal u túuxtik tu luʼumil Estados Unidos teʼ direccionaʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, wa teʼ tu najil Betel nuʼuktik le kʼaʼaytaj tuʼux kajaʼanechoʼ. (Le siibaloʼob ku beetik máak, jeʼex le ku yaʼalaʼal maas kabaloʼ, jeʼel xan u páajtal u túuxtaʼal tu najil Betel nuʼuktik le kʼaʼaytaj tuʼux kajaʼanechoʼ.) Le chequeʼob ku túuxtaʼaloʼob teʼ dirección tsʼoʼok aʼalikoʼ unaj u tsʼaʼabal tu kʼaabaʼ «Watchtower». Jeʼel xan u páajtal u siʼibil alhajaʼob wa uláakʼ baʼaloʼob yaan u tojoloʼob, baʼaleʼ ken túuxtaʼakeʼ unaj xan u túuxtaʼal upʼéel carta tuʼux ku yaʼalik siibil u beetaʼal.

TAAKʼIN MAJÁANTAʼAN

Jeʼel u páajtal u yoksaʼal taakʼin teʼ banco utiaʼal ka cobrartaʼak u interés (fideicomiso) tumen le Watch Tower Bible and Tract Society of Pennsylvania, lelaʼ yaan u meyaj utiaʼal u maas kʼaʼaytaʼal le maʼalob péektsiloʼ. Baʼaleʼ wa le u yuumil le taakʼin u kʼáatoʼ, jeʼel u páajtal u jóoʼsik u taakʼin teʼ bancooʼ. Utiaʼal a wojéeltik u maasil yoʼolal lelaʼ, tʼaanen teʼ Tesorería (Treasurerʼs Office) teʼ teléfonoaʼ (718) 560-7500, wa tsʼíibnen teʼ dirección t-yáax aʼaloʼ.

SIIBALOʼOB KU CHʼAʼATUKULTAʼAL BIX KUN TSʼAABIL

Leloʼobaʼ uláakʼ bix jeʼel u yúuchul áantaj utiaʼal u maas kʼaʼaytaʼal le maʼalob péektsiloʼ:

Seguroʼob. Jeʼel u páajtal u yaʼalaʼal ka cobrartaʼak upʼéel seguro de vida wa upʼéel pensión tumen le Watch Tower Bible and Tract Society of Pennsylvania.

Taakʼin oksaʼan banco. Le taakʼin ku tsʼaʼabal tiʼ máak ken jubilartaʼakoʼ jeʼel u páajtal u yoksaʼal banco utiaʼal ka cobrartaʼak u interesi tumen le Watch Tower Bible and Tract Society of Pennsylvania. Bey xan jeʼel u páajtal u beetaʼal yéetel u reciboi le taakʼin oksaʼan bancooʼ (certificado de depósito) utiaʼal ka cobrartaʼak u interesi. Tsʼoʼoleʼ jeʼel xan u páajtal u cobrartaʼal le taakʼin tumen u najil Betel wa ku kíimil u yuumiloʼ, baʼaleʼ unaj u beetaʼal jeʼex u yaʼalik le bancooʼ.

Le reciboʼob ku tsʼáaik upʼéel empresa úuchik u majáantaʼal taakʼin tiʼoʼ. Leloʼobaʼ jeʼel xan u páajtal u pʼaʼatal tiʼ le Watch Tower Bible and Tract Society of Pennsylvania, utiaʼal ka meyajnak jeʼel bix kʼaʼabéeteʼ. Tsʼoʼoleʼ jeʼel xan u páajtal u tsʼaʼabal u páajtalil tiʼ u cobrartik le taakʼin ken kíimik u yuumiloʼ.

Terrenoʼob yéetel najoʼob. Jeʼel u páajtal u pʼaʼatal tiʼ u najil Betel terrenoʼob wa najoʼob utiaʼal ka meyajnak jeʼel bix kʼaʼabéeteʼ. Baʼaleʼ wa yaan máax kajakbaleʼ jeʼel u páajtal u pʼáatal kajtal tak ken kíimikeʼ. Utiaʼal u beetaʼal le siibaloʼobaʼ, táanil unaj u tʼaan máak tu najil Betel.

Áantaj ku tsʼaʼabal yoʼolal upʼéel nojoch siibal. Jeʼel u páajtal u pʼaʼatal yaʼabach taakʼin wa upʼéel baʼal jach yaʼab u tojol utiaʼal ka meyajnak tiʼ u najil Beteleʼ, baʼaleʼ cada jaʼabeʼ ku tsʼaʼabal áantaj tiʼ le máax tsʼáaoʼ (wa tiʼ le máax ken u yaʼal ka tsʼaʼabak) tak ken kíimkoʼ. Le máaxoʼob beetik le siibaloʼob beyaʼ, maʼ yaʼab impuesto ku boʼotkoʼob teʼ jaʼab jeʼeloʼ.

Testamentoʼob yéetel u cobrartaʼal interés. Jeʼel u páajtal u pʼaʼatal taakʼin yéetel terrenoʼob tiʼ le Watch Tower Bible and Tract Society of Pennsylvania, baʼaleʼ leloʼ unaj u beetaʼal yéetel upʼéel testamento tu táan utúul notario. Tsʼoʼoleʼ jeʼel xan u páajtal u yoksaʼal taakʼin teʼ banco utiaʼal ka u cobrart u interesoʼ (fideicomiso). Le máaxoʼob beetik le siibaloʼob beyaʼ maʼ yaʼab impuesto ku boʼotkoʼobiʼ.

Jeʼex u yaʼalik le jaats «siibaloʼob ku chʼaʼatukultaʼal bix kun tsʼaabiloʼ», le siibaloʼob tsʼoʼok aʼalikaʼ unaj u chʼaʼatuklaʼal tubeel. Le máaxoʼob u kʼáat u yojéeltoʼob u maasil yoʼolal bix jeʼel u maas áantajoʼob utiaʼal ka kʼaʼaytaʼak le maʼalob péektsiloʼ, jeʼel u páajtal u xakʼaltkoʼob le folleto Donaciones planificadas para favorecer el servicio del Reino en todo el mundo. Le folletoaʼ ku tsolik le jejeláas bix jeʼel u páajtal u siʼibil taakʼin wa uláakʼ baʼaloʼob utiaʼal le kʼaʼaytajoʼ. Le folletoaʼ tsʼoʼok u péeksik yaʼab máakoʼob u tsʼaʼob nojoch áantaj utiaʼal u kaʼansaʼal yéetel u yáantaʼal yaʼab máakoʼob, yéetel tsʼoʼok xan u jóoʼskoʼob yaʼab utsiloʼob yoʼolal le baʼaxoʼob tsʼoʼok u beetkoʼoboʼ. Wa a kʼáat le folletoaʼ jeʼel u páajtal a kʼáatik teʼ Oficina de Donaciones Planificadas (Charitable Planning Office).

Wa a kʼáat a wojéelt u maasileʼ tsʼíibnen wa tʼaanen teʼ Oficina de Donaciones Planificadas, teʼ dirección yaan kabaloʼ wa jeʼel xan u páajtal a tʼaan tu najil Beteleʼ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707